ރާއްޖޭގައި އިތުރު 15 ޑޮމެސްޓިކް އެއާޕޯޓް އަޅަން ޗައިނާގެ ކުންފުނިތަކުގެ އެހީ ހޯދަން މޯލްޑިވްސް އިންވެސްޓްމަންޓް ފޯރަމްގައި ހުޅުވާލައިފި އެވެ.
ރާއްޖޭގެ ފަރާތުން އިސްނަގައިގެން ޗައިނާގެ ފޫ ޖޮއު ސްޓްރެއިޓް އިންޓަނޭޝަނަލް ކޮންވެންޝަން އެންޑް އެގްޒިބިޝަން ސެންޓަރުގައިކުރިއަށްގެންގޮސްފައިވާ އިންވެސްޓް މޯލްޑިވްސް ފޯރަމުގައި ރާއްޖޭގައި 15 އެއާޕޯޓް އަޅަން ނިންމާފައިވާކަން ހާމަކޮށް އެ މަޝްރޫއުތަކަށް ހުޅުވާލާފައި ވެއެވެ.
މި ފޯރަމްގައި ވެލާނާ އިންޓަނޭޝަނަލް އެއާޕޯޓް ތަރައްގީކުރުމުގެ މަޝްރޫއަށްވެސް ޗައިނާގެ ކުންފުނިތަކުގެ އެހީ ހޯދަން ހުޅުވާލާފައިވެއެވެ.
އިތުރު އެއާޕޯޓްތަކެއް އިމާރާތް ކުރުމަށް އިންވެސްޓްމަންޓް ފޯރަމްގައި ހުޅުވާލާފައިވާއިރު ބައެއް ރަށްރަށުގައި އެއާޕޯޓް އަޅުއްވާނެ ކަމަށް ރިޔާސީ އިންތިހާބުގެކެމްޕޭންގައި ރައީސް ޑރ.މުހައްމަދު މުއިއްޒު ވަނީ ވައުދުވެޑައިގެންފަ އެވެ.
