2023 ގައި މޯލްޑިވްސް އިންލެންޑް ރެވެނިއު އޮތޯރިޓީ (މީރާ) އަށް ލިބޭނެކަމަށް އަންދާޒާކުރި ވަރަށްވުރެ ބޮޑު އާމްދަނީއެއް ލިބިއްޖެއެވެ.
23.06 ބިލިއަން ރުފިޔާ ލިބޭނެކަމަށް އަންދާޒާ ކުރެވިފައިވީނަމަވެސް މިދިޔައަހަރު މީރާއަށް 24.74 ބިލިއަން ރުފިޔާ ބަލައިގެންފައިވާކަމަަށް ތަފާސްހިސާބުތަކުން ދައްކައެވެ.
2022 ވަނައަހަރަށްވުރެ 2023 ގެ މީރާގެ ޢާމްދަނީ މިވަނީ%11.07 އިތުރުވެފައެވެ.
މީރާއިން ހާމަކުރި ގޮތުގައި ޑިސެމްބަރު 2022 ގައި ލިބުނު އާމްދަނީ އާ އަޅައިބަލާއިރު ނިމިދިޔަ އަހަރުގެ ޑިސެމްބަރު މަހު ލިބުނު އާމްދަނީ ވަނީ ދަށްވެފައެވެ. މިގޮތުން މީރާއަށް މިދިޔަ ޑިސެމްބަރު މަހު ޖުމްލަ 2.21 ބިލިއަން ރުފިޔާ ބަލައިގަނެފައިވާއިރު މި އަދަދަކީ 2022 ވަނަ އަހަރުގެ ޑިސެމްބަރު މަހުގެ މި މުއްދަތުގައި ލިބުނު އާމްދަނީއަށްވުރެ 15.4 ޕަސަންޓް ދަށް އަދަދެއް ކަމަށް މީރާއިން ހާމަކުރެ އެވެ.
ނަމަވެސް މިދިޔަ ޑިސެމްބަރު މަހު ލިބުނު އާމްދަނީ ވަނީ އަންދާޒާކުރި ވަރަށްވުރެ 9.4 ޕަސަންޓް އިތުރުވެފައި ކަމަށް މީރާއިން ހާމަކުރި ތަފާސްހިސާބުތަކުން ދައްކައެވެ.
