އައްޑޫ ސިޓީ ފޭދޫގައި ރޭ އެކްސިޑެންޓެއް ހިނގާ ދެ އަންހެނަކަށް އަނިޔާވެއްޖެއެވެ.
ފުލުހުންގެ ފަރާތުން މައުލޫމާތު ލިބިފައިވާގޮތުގައި މި އެކްސިޑެންޓްގައި ހިމެނޭ ކާރާއި ސައިކަލަކީ އެއްގަމު ދަތުރުފަތުރުގެ ގާނޫނާއި އެއްގޮތަށްރަޖިސްޓްރީކޮށްގެން ދުއްވާ އުޅަނދުތަކެކެވެ. އަދި މި ދެ އުޅަނދުވެސް ދުއްވާފައި ވަނީ އެ ކެޓެގަރީގެ އުޅަނދު ދުއްވުމުގެ ލައިސަންސް އޮންނަ މީހުންކަމަށްވެސް ފުލުހުން ވިދާޅުވިއެވެ.
މި އެކްސިޑެންޓްގައި 37 އަހަރުގެ އަންހެނަކާއި 19 އަހަރުގެ އަންހެނަކަށް އަނިޔާވެފައިވާއިރު މި ދެ މީހުންގެ ތެރެއިން އެކަކުގެ ބޯފަޅައިގެން ގޮސް، ދެވަަނަމީހާއަށް އެކިވަރުގެ އަނިޔާވެފައިވާ ކަމަށް ފުލުހުން މައުލޫމާތު ދެއެވެ.
މި ދެމީހުނަށް އައްޑޫ އިކުއަޓޯރިއަލް ހޮސްޕިޓަލުގައި ފަރުވާދިންއިރު، އެ މީހުންގެ ހާލު ސީރިއަސް ނޫން ކަަމަށް ފުލުހުން ވިދާޅުވިއެވެ.
މި މައްސަލަ ފުލުހުން ދަނީ ތަހުގީގު ކުރަމުންނެވެ
