ރައްޔިތުންގެ މަޖިލީހުގެ އިންތިހާބުގައި ވާދަކުރައްވާ ބޭފުޅުންގެ ކުށުގެ ރެކޯޑު ސާފުކޮށްދިނުމުގެ ކަންތަކަށް ފްރޮސެކިއުޓާރ ޖެނެރަލް އޮފީހުން ތައްޔާރުވެއްޖެއެވެ.
ރައްޔިތުންގެ މަޖިލީސް އިންތިހާބަށް ކުރިމަތިލުމުގެ ފުރުސަތު ހުޅުވިފައި އޮންނާނީ ޖަނަވަރީ 31 ވާ ބުދަ ދުވަހުން ފެށިގެން ފެބުރުވަރީ 14 ގެ ނިޔަލަށެވެ.
ޕީޖީ އޮފީހުގެ ފަރާތުން މައުލޫމާތު ލިބިފައިވާ ގޮތުގައި ކުށުގެ ރެކޯޑް ސާފް ކުރުމަށް ޕީޖީ އަށް ހުށަހެޅުމާއެކު ކުށުގެ ރެކޯޑެއް ނެތް މީހެއްނަމަ، އެމީހަކު ރެކޯޑަށް އެދޭތާ ފަސް މިނިޓު ތެރޭގައި ރެކޯޑު ސާފުކޮށްދޭނެއެވެ އަދި ރެކޯޑެއް އޮތްނަމަ، އެއް ދުވަހުގެ ތެރޭގައި ކުށުގެ ރެކޯޑު ސާފުކޮށްދޭނެއެވެ.
މިކަން ކުރިއަށްދާއިރު އިތުރު މައްސަލައެއް ދިމާވެއްޖެނަމަ، އެމައްސަލައެއް ހައްލުކޮށްގެން ކުރިއަށް ގެންދާނެ ކަމަށްވެސް ވިދާޅުވިއެވެ.
