ޕީ.ޕީ.އެމް/ޕީ.އެން.ސީގެ ޕްރައިމަރީގައި ވާދަކުރައްވަން ނަން ހުށަހެޅުއްވި ބައެއް ބޭފުޅުންނަށް ކުރިމަތި ނުލެވޭގޮތަށް ނިންމުމާ ގުޅިގެން ހުށަހެޅުނު ޝަކުވާތަކަށް ރިޢާޔަތް ކުރެއްވުމަށްފަހު،ޕްރައިމަރީގައި ވާދަކުރަން ނަން ހުށަހެޅުއްވި ހުރިހައި ބޭފުޅުންނަށް ވާދަކުރެއްވޭގޮތަށް ޕްރައިމަރީ ބާއްވަން ޕާޓީގެ ރައީސް،ރައީސް ޑރ.މުޙައްމަދު މުޢިއްޒު ނިންމަވައިފި އެވެ.
ޕީ.ޕީ.އެމް/ޕީ.އެން.ސީގެ ޗެއާމަން އަބްދުﷲ އަބްދުއްރަހީމް މިކަން އިއުލާން ކުރައްވާ އެކްސްގައި ޕޯސްޓު ކުރައްވާފައިވާއިރު މަޖިލިސް އިންތިހާބުގެ ޕްރައިމަރީގައި ބައެއް ބޭފުޅުންނަށް ވާދަނުކުރެވޭ ގޮތް ހެދުމުން ހަމަނުޖެހުން އުފެދިފައިވެއެވެ.