މާލޭ ސިޓީ ކައުންސިލްގެ އިތުރު ތިން މެންބަރަކު ވެރިކަން ކުރާ ޕީޕަލްސް ނެޝަނަލް ކޮންގްރެސް (ޕީއެންސީ) އާ ގުޅިވަޑައިގެންފި އެވެ.
މިރޭ އެ ޕާޓީއާ ގުޅިވަޑައިގަތީ މާފަންނު ހުޅަނގު ދާއިރާގެ މެންބަރު އިބްރާހިމް އަބޫބަކުރާއި މާފަންނު ހުޅަނގު އުތުރު ދާއިރާގެ އެމްޑީޕީގެ މެންބަރު މުހައްމަދުއަރީޝްގެ އިތުރުން ޕީޕީއެމަށް ނިސްބަތްވެ ވަޑައިގަންނަވާ މައްޗަންގޮޅި ދެކުނު ދާއިރާގެ މެންބަރު އައިޝަތު ނާޒިމާ އެވެ.
މީގެ ތެރެއިން އިބްރާހީމް އަބޫބަކުރަކީ ޕީޕީއެމްގައި ހުންނެވުމަށް ފަހު، އެ ޕާޓީން ވަކިވެ ވަޑައިގެން، ކުރީގެ ރައީސް އަބްދުﷲ ޔާމީން އިސްވެ އުފައްދަވަންމަސައްކަތް ކުރައްވާ ޕީއެންއެފްއާ ގުޅިވަޑައިގަތް ބޭފުޅެކެވެ.
ތިން މެންބަރުން ވެސް ވަނީ މިރޭ ޕާޓީއާ ގުޅިވަޑައިގެން، މެމްބަޝިޕް ފޯމް ރައީސް ޑރ. މުހައްމަދު މުއިއްޒުއާ ހަވާލު ކުރައްވައިފަ އެވެ.
