ޑިމޮކްރެޓްސްގެ މަޖިލީސް ޕްރައިމަރީގެ ވޯޓުލުން ފެށިއްޖެއެވެ.
ޑިމޮކްރެޓްސް އިން ބުނީ ވޯޓުލުން ކުރިއަށްދާނީ މިއަދު ހެނދުނު 09:00 އިން ހަވީރު 16:00 އަށް ކަމަށާއި ވޯޓު ފޮށި ބެހެއްޓިފައި ހުންނާނީ ހެންވޭރު ދެކުނު ދާއިރާ ހައުސް އޮފް ޑިމޮކްރެޓްސް (ހަރުގެ) އާއި މާލެ އާއި ހުޅުމާލެ ދެކުނު ދާއިރާ ބްރައިޓްވޭއިންޓަނޭޝަނަލް ސްކޫލް (ގޭޓް 3، ގުލްޗަމްޕާ މަގު)، ހުޅުމާލެގައި ކަމަށެވެ.
ދަ ޑިމޮކްރެޓްސް ޓިކެޓުގައި ކުރިމަތިލާނެ ކެންޑިޑޭޓުން ކަނޑައެޅުމަށް ޕްރައިމަރީ ބާއްވަން ނިންމާފައި ވަނީ ފަސް ދާއިރާއެއްގައެވެ.
މިގޮތުން ޕްރައިމަރީގައި ވާދަކުރުމުގެ ފުރުސަތު ހަމަވިއިރު، ޓިކެޓް ހޯދުމަށް އެދި ހުށަހެޅީ 41 ދާއިރާއަކަށް 46 ކެންޑިޑޭޓުން ކަމަށް އެ ޕާޓީން ބުނެއެވެ. އޭގެތެރޭގައި ހިމެނެނީ 13 އަންހެނުންނާއި 33 ފިރިހެނުންކަމަށް ޑިމޮކްރެޓްސްއިން ބުނެއެވެ.
