ރާއްޖޭގެ ތާރީހުގައިވެސް އެންމެ ގިނަ ފަތުރުވެރިން އަންނަން ހަމަޖެހިފައި އޮތީ މިއަދު ކަމަށް މޯލްޑިވްސް އެއާޕޯޓު ކޮމްޕެނީ (އެމްއޭސީއެލް) އިން ބުނެފިއެވެ.
އެމްއޭސީއެލް އިން ކުރި އެކްސް ޕޯސްޓެއްގައި ބުނެފައިވަނީ މިއަދު ފުރަތަމަ ފަހަރަށް 10،000 އަށް ވުރެ ގިނަ ފަތުރުވެރިން ރާއްޖެ އަންނާނެ ކަމަށާއި ޖުމުލަ 10،386 ފަތުރުވެރިން އައުމަށް ހަމަޖެހިފައިވާކަމަށެވެ.
މީގެއިތުރުން މި ކާމިޔާބީ ހާސިލުކުރުމަށް މަސައްކަތް ކުރި އެންމެހާ ފަރާތްތަކަށް އެ ކުންފުނީގެ ނަމުގައި ވަނީ މަރުހަބާ ކިޔާފައެވެ. ސަރުކާރުގެ އަމާޒަކީ މި އަހަރު މުޅިން އަލަށް ރާއްޖެއަށް ދެ މިލިއަން ފަތުރުވެރިން ގެނައުމަށް ވާއިރު، ވެލާނާ އިންޓަނޭޝަނަލް އެއާޕޯޓު ތަރައްގީކުރުމުގެ މަޝްރޫއު ނިމުމާ އެކު އެ އަދަދު އަދިވެސް އިތުރުވާނެ ކަމަށް ރައީސް ޑރ. މުހައްމަދު މުއިއްޒު މީގެ ކުރިން ވަނީ އަންދާޒާ ކުރައްވައިފައެވެ.
މި އަހަރު މުޅިން އަލަށް 20 ރިސޯޓު ހުޅުވައި، 2،857 އެނދު އުފެއްދުމަކީ ސަރުކާރުގެ އަމާޒުކަމަށް ރިޔާސީ ބަޔާން އިއްވެވި ދުހު ރައީސް ޑރ. މުއިއްޒު ވަނީ ވިދާޅުވެފައެވެ. އަދި، ނުހެދި ހުރި ރިސޯޓުތައް ނިންމަން ފަހިކޮށްދެއްވާނެ ކަމަށް ވެސް ވަނީ ވިދާޅުވެފައެވެ.
