މޯލްޑިވިއަންގެ ޕައިލެޓަކަށް އިންޒާރު ދިން މައްސަލައިގައި ރައްޔިތުންގެ މަޖިލީހުގެ ކާށިދޫ ދާއިރާގެ މެންބަރު އަބްދުﷲ ޖާބިރަށް އަދި އެއްވެސް ފިޔަވަޅެއް ނާޅާ ކަމަށް މޯލްޑިވިއަންއިން މިއަދު ބުނެފިއެވެ.
ދާދި ފަހުން ސޯޝަލް މީޑިއާގައި ދައުރުވި ވީޑިއޯއަކުން ފެންނަ ގޮތުގައި ސީޕްލޭނަކަށް އެރުމަށް ޕްލެޓްފޯމެއްގެ މަތީގައި ހުންނަވައި ޖާބިރު ވަރަށް ހުތުރު ބަހުން ޕައިލެޓަކާ މުއާމަލާތް ކުރެއެވެ.
މައުލޫމާތު ލިބިފައިވާ ގޮތުގައި އެ އެއާލައިނުން އެ މައްސަލައިގައި މިހާތަނަށް އަދި ގޮތެއް ނިންމާފައި ނުވެއެވެ.
ޖާބިރުގެ އެ އަމަލުގެ ސަބަބުން ފިޔަވަޅެއް އެޅުމަށްޓަކައި ބަލަން ޖެހޭ ކަންކަން ބެލުމަށް މި މަހުގެ ހަތްވަނަ ދުވަހު ކުންފުނީގެ ފަރާތުން ފުލުހުންނަށް ރަސްމީކޮށް މައްސަލަ ވަނީ ހުށަހަޅައިފައެވެ.
ކުރިއަށް އޮތް ރައްޔިތުންގެ މަޖިލީހުގެ އިންތިޚާބުގައި ކާށިދޫ ދާއިރާއަށް ވާދަކުރަން އެމްޑީޕީގެ ޓިކެޓް ކަށަވަރު ކޮށްފައި ވީނަމަވެސް، އެ ޕާޓީއިން ވަނީ ޖާބިރުގެ އަހުލާގީ މައްސަލައެއް ބެލުމަށް ފަހު، ޓިކެޓް އަތުލައި ޕާޓީން ވަކިކޮށްފައެވެ. ނަމަވެސް އޭނާ ވަނީ އަމިއްލަ ގޮތުން މަޖިލީހަށް ވާދަކުރައްވަން ފޯމު ހުށަހަޅުއްވައިފައެވެ.
