މަސްވެރިންނަށް ސަރުކާރުން ދޭން ޖެހޭ ފައިސާގެ ތެރެއިން 70 މިލިއަން ރުފިޔާ ދޫކޮށްފައިވާ ކަމަށް ފިޝަރީޒް މިނިސްޓްރީން ބުނެފިއެވެ.
މަސްވެރިންގެ އަތުން މަސްގަތުމަށްފަހު މިފްކޯއިން މަސްވެރިންނަށް 300 މިލިއަން ރުފިޔާ ދޭން އެބޯތެވެ. މި ފައިސާ މަސްވެރިންނަށް ނުލިބި ގިނަދުވަސް ވުމުން ގއ. ކޫއްޑޫގައި މީގެ ތިން ދުވަސް ކުރިން ވަނީ އިހުތިޖާޖުވެސް ކޮށްފައެވެ. މި އިހުތިޖާޖުގެ ބައިވެރިންނާ ބައްދަލު ކުރުމަށް ފިޝަރީޒް މިނިސްޓަރު އަހްމަދު ޝިޔާމް ވަނީ އާދީއްތަ ދުވަހު އެ ރަށަށްވެސް ވަޑައިގެންފައެވެ.
ފިޝަރީޒް މިނިސްޓްރީން ރޭ ނެރުނު ބަޔާނެއްގައި ބުނީ، މިފްކޯއިން މަސްވެރިންނަށް ބުދަ ދުވަހުގެ ރޭގެ ނިޔަލަށް 70 މިލިއަން ރުފިޔާ ޖަމާކޮށްފައިވާ ކަމަށާއި ބާކީ 30 މިލިއަން ހޯމަ ދުވަހުގެ ކުރިން ޖަމާވާނެ ކަމަށެވެ.
މީގެިއިތުރުން ސަރުކާރުގެ މަސްވެރި ކުންފުނި، މިފްކޯއިން ނެރުނު ބަޔާނެއްގައިވެސް ބުނެފައިވަނީ ގއ. ކޫއްޑޫގައި މަސްވެރިންނާއެކު ބޭއްވި ބައްދަލުވުންތަކުގައި މަސްވެރިންނާ ހިއްސާކޮށްފައިވާ، ފައިސާ ދޫކުރާނެ ގޮތުގެ ތާވަލާއި އޭގެ ތަފުސީލުގައިވާ ގޮތުގެ މަތިން މިއަދުން ފެށިގެން ފައިސާ ދޫކުރަމުންދާނެ ކަމަށެވެ.
މިކަމާ ގުޅިގެން ރައީސް މުއިއްޒު ވަނީ ސަރުކާރުގެ މަސް ކުންފުނި މިފްކޯ އަށް ލޯނެއް ނަގައިގެން ނަމަވެސް މަސްވެރިންނަށް ދޭން ޖެހޭ ފައިސާ ހަމަޖައްސާ ދެއްވާނެ ކަމަށް ވިދާޅުވެފައެވެ.
