ލ.ގަން މަތިމަރަދޫ ފޮއްތޭ ހަޓް އިރުމަތީ  ފަރާތު ގޮނޑުދޮށުން ހަބަރު ހުސް ވެފައި އޮތް މީހެއް ފެނިއްޖެއެވެ.

ފުލުހުން މައުލޫމާތު ދީފައިވާ ގޮތުގައި މިމައްސަލަ ފުލުހުންނަށް ރިޕޯރޓް ކޮށްފައިވަނީ މެންދުރު 12:15 ހާއިރު އެވެ.

މި މީހާ  ގަން ރީޖަނަލް ހޮސްޕިޓަލް އަށް ގެންދިޔަ އިރުވެސް ނިޔަވެފައިވާ ކަމަށް ޑޮކްޓަރުންނާއި ހަވާލާދީ ފުލުހުން މައުލޫމާތު ދީފައިވެއެވެ.

މައުލޫމާތު ލިބިފައިވާ ގޮތުގައި މަރުވެފައިވަނީ 86 އަހަރުގެ ދިވެހި ފިރިހެނެކެވެ.

ފުލުހުން ދަނީ މި މައްސަލަ އިތުރަށް ތަހުގީގް ކުރަމުންނެވެ.