ޗައިނާއިން ރާއްޖެއަށް އެންމެ ގިނަ ޓޫރިސްޓުން ގެންނަ ޗައިނާ އީސްޓާން އެއާލައިންގެ ދަތުރުތައް އާ މަންޒިލަކުން ރާއްޖެއަށް ފަށައިފި އެވެ.
ޗައިނާ އީސްޓާންގެ އެ ދަތުރު ތަކުގެ ފުރަތަމަ ފްލައިޓް އައިސްފައިވަނީ ރޭގެ ވަގުތެއްގަ އެވެ. އެ ފްލައިޓަށް ވެލާނާ އިންޓަނޭޝަނަލް އެއާޕޯޓުން މަރުހަބާ ވިދާޅުވީ ޓޫރިޒަމް މިނިސްޓަރު އިބްރާހިމް ފައިސަލް އަދި ރާއްޖޭގައި ހުންނަވާ ޗައިނާ ސަފީރު ވަންގު ލިޒިން އެވެ.
ޗައިނާގެ ވިޔަފާރީގެ މަރުކަޒެއް ކަމަށްވާ ކުންމިންނުން، ޗައިނާ އީސްޓާންއިން ރާއްޖެ މި ފެށި ދަތުރުތައް އެ އެއާލައިނުން ހަފްތާގެ ހުރިހާ ދުވަހަކު ކުރުމަށް ހަމަޖެހިފައި ވާއިރު، ކޮވިޑުގެ ކުރިން ވެސް ޗައިނާ އީސްޓާންއިން ރާއްޖެއަށް އެ ދަތުރުތައް ކުރަމުން އައެވެ.
ކޮވިޑްގެ ކުރިން ޗައިނާއަކީ ރާއްޖެއަށް އެންމެ ގިނައިން ޓޫރިސްޓުން އަންނަ ގައުމަށް ވީ ނަމަވެސް ކޮވިޑާ އެކު އެ ގައުމުގެ ބޯޑަރު ބަންދުކޮށްފައި އޮތުމަށް ފަހު ބޭރަށް ދަތުރުކުރެވޭ ގޮތަށް އެ ގައުމުގެ ބޯޑަރުތައް ހުޅުވީ މިދިޔަ އަހަރު އެވެ. އެއާ އެކު މިއަހަރު ޗައިނާ އަނެއްކާ ވެސް ވެފައި ވަނީ އެއް ގައުމަކުން އެންމެ ގިނައިން ރާއްޖެއަށް ޓޫރިސްޓުން އަންނަ ގައުމަށެވެ. އެގޮތުން:
