އެމްޑީޕީގެ ސޯޝަލް މީޑިއާ އެކްޓިވިސްޓެއްގެ ގޮތުގައި ހަރަކާތްތެރިވި އަދި ކުރީގެ ސަރުކާރުގައި ޓޫރިޒަމް މިނިސްޓްރީގައި އިސް މަގާމެއް ފުރުއްވި ތޮއްޔިބުޝަހީމަށް މި ސަރުކާރުގައި ސްޓެލްކޯ އިން ވަޒީފާ ދިން ތާ މަހެއްހާ ދުވަސް ފަހުން އެ މަގާމުން އިއްޔެ ވަކިކޮށްފި އެވެ.
މިކަމާ ގުޅޭ ގޮތުން އެކްސްއަށް ތޮއްޔުބު ޝެއާ ކުރި ޕޯސްޓެއްގައި ބުނެފައިވަނީ ސްޓެލްކޯގެ ބިއުރޯގެ ސާވިސް ސުޕަވައިޒަރުގެ ވަޒީފާއަށް މިދިޔަ ޖެނުއަރީ 29 ގައި ނުކުތީ ގާބިލްކަން ތަންދިން އެންމެ މަތީ ވަރަކަށް ހިދުމަތްކުރުމުގެ ހެޔޮ ނިޔަތާއި އަޒުމުގައި ކަމަށާއި އަދި މިވީ މުއްދަތުގެ ތެރޭގައި ހަވާލުކުރި ހުރިހާމަސައްކަތެއް ކޮށްފައިވީ ނަމަވެސް، މަސައްކަތާ މެދު ހިތްހަމަނުޖެހި އެއްވެސް ވާހަކައެއް ނުދައްކައި، ކުއްލިއަކަށް އެޗްއާރަށް ގެންގޮސް، އެއްބަސްވުންއުވާލާނެ ކަމަށް އެންގި ކަމަށެވެ.
ތޮއްޔިބު ބުނީ އެކި ގޮތްގޮތުން އަހައިގެން ވެސް އޭނާގެ މަސައްކަތް ވަޒަންކުރި ގޮތް އެނގޭ މީހަކާ އަދި އެކަމާ ބެހޭ އެއްވެސް ލިޔެކިޔުމެއް ތައްޔާރު ކުރި މީހަކާވެސް ދިމާނުވި ކަމަށެވެ.
އަދި، ވަޒީފާ އިން ވަކިކުރި ޗިޓް ހަވާލުކޮށް ކުންފުނީގެ އިމާރާތުން ނުކުތް އިރު ވެސް ވަޒީފާގެ އެއްބަސްވުން ނުލިބޭތީ، ޗިޓްގައި ބުނެފައިވާ ދެ މާއްދާ އަށްރެފަރެންސް ދޭކަށް ކުންފުންޏަށް ވެސް ނޭނގުނު ކަމަށެވެ.
ތޮއްޔިބު އުޅުނު ވަޒީފާގެ މައިގަނޑު ޒިންމާ އަކީ އިއުލާންގައިވާ ގޮތުން ސްޓެލްކޯގެ މަސައްކަތްތަކާ ގުޅިގެން މީޑިއާ އިން އެދޭ މައުލޫމާތު ކަމާ ގުޅުން ހުރިޑިޕާޓްމަންޓްތަކުން ހޯދައި މީޑިއާތަކަށް ފޯރުކޮށްދިނުމާއި އިވެންޓްތަކުގެ ޚަބަރުތައް ދިވެހިންނާއި އިނގިރޭސި ބަހުން ތައްޔާރުކޮށް، ގަވާއިދުން މީޑިއާތަކަށްފޯރުވައިދިނުމެވެ.
އަދި ސްޓެލްކޯ އިން ހިއްސާކުރަން ބޭނުންވާ މައުލުމާތުތައް ސޯޝަލް މީޑިއާ ވަސީލަތްތަކުގައި ޕޯސްޓް ކުރުމާއި މޮނިޓާ ކުރުމަކީ ވެސް ތޮއްޔިބުގެޒިންމާއެކެވެ.
