މާލެއިން ގެއްލުނުތާ ތިން ވަރަކަށް ދުވަސް ފަހުން ނުފެނިފައިވާ 25 އަހަރުގެ ޒުވާނަކު ހޯދުމުގެ މަަސައްކަތް ފުލުހުން ފަށައިފިއެވެ.
ގެއްލިގެން ނުފެނިފައިވާ މައްސަލައިގައި ފުލުހުން ހޯދަމުން ދަނީ މއ. ޕެރީހީލިއަން، އަކްރަމް އަދީލް ސައީދެވެ. ސޯޝަލް މީޑިއާގައި ކުރި ޕޯސްޓެއްގައި އާއިލާ އާއި ހަވާލާދީ ފުލުހުން ބުނީ އަކްރަމް އެންމެ ފަހުން ފެނިފައިވަނީ މާޗު 23 ވަނަ ދުވަހު މެންދުރު ފަހު 1:15 އޭނާ މިހާރު ދިރިއުޅޭ ހުޅުމާލެ ފޭސް 2، އެޗް 15 އިން ކަމަށެވެ.
މީނާ ގެއްލިގެން ފުލުހުންނަށް ރިޕޯޓު ކޮށްފައިވަނީ މާޗް 25 ވަނަ ދުވަހު 19:22 އެހައިކަންހާއިރު ކަމަށް ފުލުހުން މައުލޫމާތުދެއެވެ.
އޭނާ އާ ގުޅޭ އެއްވެސް މައުލޫމާތެއް ލިބިފައިވާ ނަމަ، ލަސްނުކޮށް ފުލުހުންގެ ހޮޓްލައިން 3322111 އަށް ނުވަތަ ހުޅުމާލެ ފޭސް 2 ޕޮލިސް ސްޓޭޝަން ނަންބަރު 3035336 އަށް ގުޅައި މައުލޫމާތު ހިއްސާކުރުމަށް ފުލުހުން އެދެއެވެ.
