މޯލްޑިވްސް މަނިޓަރީ އޮތޯރިޓީ (އެމްއެމްއޭ)އިން ބޭންކުތަކަށް ޑޮލަރު ދޫކުރާ އަދަދު މިއަހަރު އިތުރުކޮށްފައި ވާކަމަށް ޑެޕިއުޓީ ގަވަރުނަރު އަހުމަދު އިމާދުމިއަދު ވިދާޅުވެއްޖެއެވެ.
އިމާދި މިހެން ވިދާޅުވެފައިވަނީ، މިއަދު ބޭއްވި މަޖިލީހުގެ މާލިއްޔަތު ކޮމިޓީގައި ވާހަކަ ދައްކަވަމުން ކޮމިޓީގައި އިންނަވާ މަރަދޫ ދާއިރާގެ މެމްބަރުއިބްރާހީމް ޝަރީފް ކުރެއްވި ސުވާލަކަށް ޖަވާބު ދެއްވަމުންނެވެ.
ޝަރީފް ކުރެއްވި ސުވާލުގައި ވިދާޅުވެފައިވަނީ، ވިޔަފާރިވެރިންނަށް ބޭންކުން ކުރިން 25 ޕަސަންޓަށް ޑޮލަރު ދެމުން ގެންދިޔަ ނަމަވެސް، އެ އަދަދުމިހާރު ވަނީ 10 ޕަސަންޓަށް ދަށްކޮށްފައި ކަމަށާއި މިއީ ކިހިނެއް ވެގެން އުޅޭ ކަމެއްތޯ އޭނާ ވަނީ ސުވާލު އުފައްދާފައެވެ.
މި ސުވާލަށް ޖަވާބު ދެއްވަމުން ޑެޕިއުޓީ ގަވަރުނަރު އިމާދު ވިދާޅުވީ ބޭންކުތަކަށް ދޭ ޑޮލަރު މިދިޔަ އަހަރަށް ވުރެ އިތުރު ކޮށްފައި ވާކަމަށެވެ.
ނަމަވެސް، އިތުރު ބަދަލެއް ނުގެންނަ ކަމަށާއި ވިޔަފާރިވެރިންނަށް ދޫކުރާ ޑޮލަރުގެ ޕަސަންޓަށް ބަދަލު އައުމަކީ ބީއެމްއެލްގެ ބިޒްނަސްއޮޕަރޭޝަންތަކަށް ގެނެސްފައިވާ ބަދަލުތަކެއް ކަމަށް ފާހަގަ ކުރެވޭކަމަށް އިމާދު ވިދާޅުވިއެވެ.
މިއަހަރުގެ ޖަނަވަރީ މަހުގެ ތެރޭގައި ޑޮލަރު ލިބުމުގައި ދަތިތަކެއް ކުރިމަތިވެ އިންޓަނޭޝަނަލް ޓްރާންސްފާ (ޓީޓީ)ތަކަށް ޑޮލަރުން ފައިސާހަމަޖެއްސުމުގައި ދަތިތަކާ ވަނީ ދިމާވެފައިއެވެ.
