އެމަޖެންސީ ހާލަތްތަކުގައި ބަންދު ދުވަސްތަކުގައި ވެސް އައިޑީ ކާޑުގެ ޚިދުމަތް ދޭނެ ކަމަށް ޑިޕާޓްމެންޓް އޮފް ނެޝަނަލް ރަޖިސްޓަރޭޝަން (ޑީއެންއާރް)އިން މިއަދު ބުނެފިއެވެ.
ޑީއެންއާރް އިން ބުނީ ބަންދު ދުވަސްތަކުގައި، ކުއްލި ހާލަތެއް މެދުވެރިވެގެން ހިދުމަތެއް ބޭނުންވެއްޖެ ނަމަ 7280368 އާ ގުޅުމުން އެހީތެރިކަން ލިބޭނެކަމަށާއި، ރޯދަ މަހު ރަސްމީ ދުވަސްތަކާއި ބަންދު ދުވަސްތަކުގައި ވެސް އައިޑީ ކާޑު ދޫކުރަން ހަމަޖެހިފައިވަނީ 09:30 އިން 11:30 އަށް ކަމަށެވެ.
ރޯދަމަހުގެ ފަހު 10ގައި ސަރުކާރު ބަންދުކުރި ނަމަވެސް ޑީއެންއާރުން ތިން ދުވަހެއްގައި ޚިދުމަތް ދޭނެ ކަމަށް ކުރިން ކުރި އިއުލާނުގައިވެއެވެ. އެއީ އަންނަ ހޯމަ ދުވަހާއި ބުދަ ދުވަހުގެ އިތުރުން ޖެހިގެން އަންނަ ހަފުތާގެ ހޯމައިގައެވެ.
