މާލޭގެ ގެއެއްގެ ފުރާޅުމަތީގައި އޮއްވައި މިރޭ ފެނުނު މީހަކު ހޮސްޕިޓަލަށް ގެންގޮސް ފަރުވާ ދޭން ފަށައިފިއެވެ.
ފުލުހުންގެ ތަރުޖަމާން އަހުމަދު ޝިފާން ވިދާޅުވީ އުމުރުން 37 އަހަރުގެ ދިވެހި ފިރިހެނަކު ގެއެއްގެ ފުރާޅުމަތީގައި އޮއްވައި ފެނިގެން ލިބުނު ރިޕޯޓަކާ ގުޅިގެން ފުލުހުން ހަރަކާތްތެރިވަމުންދާ ކަމަށެވެ.
ހާ؛ލު ސީރިއަސްވެގެން ފަރުވާދޭން ފަށާފައިވާ މީހާ ފެނިފައިވަނީ މ. ސުންދަރުގެ 10 ވަނަ ފްލޯގެ ޓެރެސްއާ ޖެހިގެން ހުރި ތިން ބުރީގެ މ. ކަނޑުނޫގޭ ފުރާޅުމަތީގައި އޮއްވައެވެ.
ތަރުޖަމާން އަހުމަދު ޝިފާން ވިދާޅުވީ އެ މީހާ ވެއްޓުނީކަން ނުވަތަ ފުންމާލީކަން ސާފު އަދި ނުވާ ކަމަށާއި އޭނާ އައިޖީއެމްއެޗަށް ގެންގޮސް ފަރުވާދެމުން އަންނަ ކަމަށާއި އޭނާގެ ހާލު ސީރިއަސް ކަމަށެވެ.
މި މީހާގެ ވީޑިއޯ މިހާރު ސޯޝަލް މީޑިއާގައި ދައުރުވަމުން ދާއިރު ވީޑިއޯއިން ފެންނަނީ އެ މީހާ ފުރާޅުމަތީ އޮއްވައި އެމްއެންޑީއެފް މީހުން އޭނާ ސްޓެޗާ އަކަށް އަރުވާ މަންޒަރެވެ.
