ހއ. ދިއްދޫގައި އެއާޕޯޓް ގާއިމް ކުރުމުގެ މަސައްކަތް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ)އާ ހަވާލުކޮށްފިއެވެ.
މިކަމަށްޓަކައި ދިއްދޫގައި ބޭއްވި ހާއްސަ ރަސްމިއްޔާތުގައި އެކަމުގެ އެއްބަސްވުމުގައި ކޮންސްޓްރަކްޝަން އެންޑް އިންފްރާސްޓްރަކްޗާރ މިނިސްޓްރީގެ ފަރާތުން ސްޓޭޓް މިނިސްޓަރު އިސްމާއީލްހަމީދު ސޮއި ކުރައްވާފައި ވާއިރު އެމްޓީސީސީގެ ފަރާތުން ސޮއި ކުރެއްވީ ސީއީއޯ އަބްދުﷲ ޒިޔާދެވެ.
އެ މަޝްރޫއުގެ ދަށުން ދިއްދޫ އެއާޕޯޓް ހެދުމަށް ބޭނުންވާ ބިން އެމްޓީސީސީގެ ފަރާތުން ހިއްކުމަށް ހަމަޖެހިފައިވާއިރު، ހިއްކުމުގެ މަރުހަލާގައި އެ ސަރަހައްދުގެގޮނޑުދޮށް ހިމާޔަތް ކުރާނެއެވެ.
