މެންދުރު ރާއްޖޭގެ އިހުސާސްކުރެވޭ ހޫނުމިން ހުރިހާ ސަރަހައްދެއްގައިވެސް ހުރީ 41 ޑިގްރީ ސެލްސިއަސްއަށް ވުރެ މަތީގައި ކަމަށް މެޓް އޮފީހުގެ މޫސުމާއި ބެހޭ މައުލޫމަތްތަކުން ދައްކައިފިއެވެ.
މެޓް އޮފީހުން ކުރިން މިއަދު ވިއްސާރަ ކުރާނެ ކަމަށް ލަފާކޮއްފައިވި ނަމަވެސް މިއަދު މެންދުރު 11 ގައި ހުޅުލެ އަށް އިހުސާސްކުރެވޭ ހޫނުމިން ހުރީ 44.2 ޑިގްރީ ސެލްސިއަސްގަ އެވެ. ހަނިމާދޫގައި އިހުސާސްކުރެވޭ ހޫނުމިން 43.7 ޑިގްރީ ސެލްސިއަސްގައި ހުރި އިރު ލ. ކައްދޫ އާއި ގދ. ކާޑެއްދޫގައި ހޫނުމިން ކުރީ 42.2 ޑިގްރީ ސެލްސިއަސްގައެވެ. އަދި ސ. ގަމަށް އިހުސާސްކުރެވޭ ހޫނުމިން ހުރީ 41.1 ޑިގްރީ ސެލްސިއަސްގަ އެވެ.
މިއަދު އެންމެ ހޫނު ގަދައީ މާލެ ސަރަހައްދަށެވެ. މިއަދު ރާއްޖޭގައި ކުރިޔަށްދާ 20 ވަނަ މަޖިލީސް އިންތިހާބުގެ ވޯޓުލުން ރާއްޖޭގެ އެކި ސަރަހައްދުތަކުގައި ކުރިޔަށް އެބަދެއެވެ. މާލެ ސަރަހައްދުން ވޯޓްލާން އަންނަ މީހުންނާއި ކެންޑިޑޭޓިންގެ މަންދޫބުން ވޯޓްލާ ސަރަހައްދުގައި ތޮއްޕާއި ކުޑަ ހިފައިގެން އެޅޭ މަންޒަރިވަނީ ފެނިފައިއެވެ.
