ރާއްޖެއަށް ކުރަމުންދާ ހުޅަނގު މޫސުމުގެ މުސާރައިގައި ރޭ ހއ ދިއްދުއަށް ނަގޫރޯޅިއެއް އަރައި އެ ރަށުގެ 6 ގެޔަކަށް ބޮޑެތި ގެއްލުންތަކެއް ވެއްޖެއެވެ.
އެރަށު ކައުންސިލުން ހާމަކުރި ގޮތުގައި ރޭ އެރަށު ފުލެޓް ސަރަހައްދަށް ނަގޫ ރޯޅިއެއް އަރާ 6 ގެ އެއްގެ ފުރާޅުގެ ޓިނުތަށް އުކާލާފައިވާއިރު އެ ތަންތަން ރަނގަޅު ކުރުމުގެ މަސައްކަތް ދިއްދޫ ކައުންސިލުން ކުރަމުން އަންނަ ކަމަށެވެ.
އަދި މި ހާދިސާގައި އެ ރަށުގެ މީހުން ދިރިއުޅެމުންދާ ވަރަށް ގިނަ ފްލެޓްތަކަށް އެކި ވަރުގެ ގެއްލުންތައް ލިބިފައިވާ ކަމަށް ދިއްދޫ ކައުންސިލުން ބުނެއެވެ. އަދި ގެއްލުން ލިބުނު ކަމަށް މައުލޫމާތު ލިބިފައި ހުރި ފްލެޓްތަކުގައި ދިރިއުޅޭ ފަރާތްތަކަށް އެހީތެރިކަން ފޯރުކޮށްދެމުންދާ ކަމަށް ވެސް ކައުންސިލުން ވަނީ ބުނެފައެވެ.
އަދި މީގެ އިތުރުން މި ހާދިސާއާއި ގުޅިގެން ނެޝަނަލް ޑިޒާސްޓާ މެނޭޖްމެންޓް އޮތޯރިޓީ (އެންޑީއެމްއޭ)އިން ކައުންސިލްއަށް ގުޅައި އެކަމުގެ މައުލޫމާތުތައް ހިއްސާކުރެވިފައިވާނެ ކަމަށާއި ގެއްލުން ލިބުނު ފަރާތްތަކަށް އޭގެ ބަދަލު ހޯދައިދިނުމަށް ކައުންސިލުން މަސައްކަތް ކުރާނެ ކަމުގައި ދިއްދޫ ކައުންސިލުން ބުނެއެވެ.
އަދި މިހާދިސާގައި އިތުރު ގެއަކަށް ގެއްލުންވެފައިވާ ނަމަ، ކައުންސިލަށް އެކަން ހިއްސާ ކުރުމަށް ވެސް ކައުންސިލުން ވަނީ އެދިފައެވެ.
އަދި ކައުންސިލުގެ އެހީތެރިކަން ގެއްލުން ލިބުނު ހުރިހާ ފަރާތްތަކަށް ވެސް ލިބިގެންދާނެ ކަމުގެ ޔަގީންކަން ދިއްދޫ ކައުންސިލުން ވަނީ ދީފައެވެ.
ރާއްޖެއަށް މިހާރު ކުރަމުން ގެންދާ ހުޅަނގު މޫސުމުގެ ވިއްސާރައިގައި ރޭ ފަތިހު 5:30ން ހެނދުނު 10:00ށް މުޅި ރާއްޖެއަށް ހުދު ސަމާލުވަނީ ނެރެފައެވެ. އަދި ހެނދުނު 9:30އި ހަމައަށް ފ އަތޮޅުން ލ އަތޮޅާއި ދެމެދުގެ ސަރަހައްދަށް ރީނދޫ އެލާޓްވެސް ނެރުނެވެ.
