ހުޅުމާލޭގެ ކެފޭއެއްގެ ތެރެއިން ބިދޭސީ ފިރިހެނަކަށް އިންޒާރުދީ، ހަމަލާދިން ދިވެހި ފިރިހެން މީހާ ފުލުހުން ހައްޔަރުކޮށްފިއެވެ.
މި މައްސަލަ ފުލުހުންނަށް ރިޕޯޓު ކޮށްފައި ވަނީ ހޯމަ ދުވަހުގެ ރޭ 12:26ގައި ކަމަށް ފުލުހުން މައުލޫމާތުދެއެވެ. އެ މައްސަލައާ ގުޅިގެން ފުލުހުން ހައްޔަރު ކުރި ދިވެހި ފިރިހެން މީހާ އަކީ އުމުރުން 33 އަހަރުގެ މީހެކެވެ.
ހައްޔަރު ކޮށްފައިވާ ފިރިހެން މީހާގެ ބަންދާ ގުޅިގެން ހުޅުމާލެ މެޖިސްޓްރޭޓް ކޯޓުން ވަނީ 7 ދުވަސް ޖަހާފައެވެ. އެ ދެ މީހުންގެ ދެމެދުގައި މާރާމާރީ ހިނގަން މެދުވެރިވި ސަބަބެއް އަދި އެނގިފައެއް ނުވެއެވެ.
ފުލުހުން މައުލޫމާތު ދިން ގޮތުގައި މިހާރު ދަނީ މި މައްސަލަ އިތުރަށް ތަޙުޤީޤު ކުރަމުންނެވެ.
