މިދުވަސްވަރަކީ ވިއްސާރަވެ ވައިބާރު ދުވަސްވަރެއްކަމުން ތިމާއާއި އަނެކުންގެ ސަލާމަތާއި ރައްކާތެރިކަމަށްޓަކައި ބްރިޖްއާއި ހައިވޭގައި ކުޑަ ނަގައިގެން ސައިކަލް ނުދުއްވުމަށް ފުލުހުން އިލްތިމާސްކޮށްފިއެވެ.
އެގޮތުން ފުލުހުން ވިދާޅުވީ، ބްރިޖާއި ހައިވޭގައި ސައިކަލް ދުއްވުމުގައި ކުޑަނަގައިގެން ނުދުއްވުމަށާއި ފަސޭހައިން ހަލާކުވެ ވަޔާދާ ފަދަ ކޯޓު ބޭނުންނުކުރުމަށާއި ހެލްމެޓު ވެސް ވަޔާ ނުދާނޭހެން ރަނގަޅަށް އެޅުމަށް ޚާއްސަ ސަމާލުކަމައް ދިނުމަށް އިލްތިމާސް ކުރާކަމުގައެވެ.
އޭގެ އިތުރުން، އުޅަނދުގެ ލައިޓުތައް ދިއްލޭތޯ ބަލައި ސަލާމަތާއި ރައްކާތެރިކަން ކަށަވަރު ކުރައްވައިގެން އުޅަނދު ދުއްވުމަށްވެސ ފުލުހުންގެ އިލްތިމާސްގައި ވެއެވެ.
ފުލުހުން މިފަދައިން އިލްތިމާސް ކޮށްފައިވާއިރު މެދު ރާއްޖެތެރެއަށް މިހާރު ކުރަމުން އަންނަ ވިއްސާރައިގައި މާލެއަށް ދަނީ ވަރަށް ބާރަށް ވައިޖެހެމުންނެވެ. އެގޮތުން އިއްޔެ ގަދަ ވަޔާއެކު ވެލާނާގެ ކުރިމަތީގައި ހުރި ގަހެއް ބިންމައްޗަށް ވެއްޓި ގެއްލުންތައް ވަނީ ވެފައެވެ.
ރާއްޖެއަށް މިހާރު ކުރަމުންދަ ވިއްސާރައިގައި މޫސުން އިތުރަށް ގޯސްވެ، މިއަދު ވެސް ބ. އަތޮޅުން ފަށައިގެން ވ. އަތޮޅާ ހަމައަށް މެޓް އޮފީހުން ވަނީ އޮރެންޖު އެލާޓު ނެރެފައެވެ. ވިއްސާރަވެ ވައިގަވާނެ ކަމަށް ލަފާކޮށް އެ އެލާޓު ނެރެފައި ވަނީ 9:00އިން ފެށިގެން މިއަދު 12:00އާ ހަމައަށެވެ.
