ހުޅުމާލޭގެ ދެވަނަ ފިޔަވަހީގައި ހުންނަ ހިޔާފްލެޓްތަކުގެ އެޕާޓްމެންޓަކަށް ދަޅަ ދައްކައިގެން ފިރިހެނުން ގެންގޮސް އެމީހުން އަތުން ފޭރޭ މައްސަލައިގައި އަދި މިހާތަނަށް މީހަކު ހައްޔަރުކޮށްފައި ނުވާކަމުގައި ފުލުހުން ފުލުހުން ހާމަކޮށްފިއެވެ.
ފުލުހުން ވިދާޅުވީ، އަންހެނުންތަކެއް އިސްވެ ހުޅުމާލެ ދެވަނަ ފިޔަވަހީގެ ޓަވަރެއްގެ އެޕާޓްމަންޓަކަށް މީހުން ގެންގޮސް އަންހެނުން ތަކެއް ވެގެން ފޭރޭ މައްސަލައެއް މިދިޔަ އަންގާރަ ދުވަހު ފުލުހުންގެ ސަމާލުކަމަށް އައިސްފައިވާކަމަށެވެ.
އަދި އެ މައްސަލަ ފުލުހުންގެ އިދާރާއިން މިހާރު ތަހުގީގު ކުރަމުން އަންނަ ކަމަށާއި އެ މައްސަލައިގައި އަދި މިހާތަނަށް އެއްވެސް މީހަކު ހައްޔަރުކޮށްފައި ނުވާކަމަށް ފުލުހުން ބުނެއެވެ.
މީގެ އިތުރުން، ކާކުކަން ނޭނގޭ، ނުވަތަ ގޮތް ނޭނގޭ މީހުން ތަންތަނަށް ދާން އެދުނުކަމުގައިވީ ނަމަވެސް ނުދިއުމަށް ފުލުހުން ވަނީ އިލްތިމާސްކޮށްފައެވެ.
މީހުން ރަހީނުކޮށް ފޭރުމުގެ މައްސަލަތައް މިފަހަކަށް އައިސް އަންނަނީ އިތުރުވަމުންނެވެ.
އެގޮތުން މީހުންނަށް ބިރުދައްކައި ފޭރޭކަމުގެ ތުހުމަތުގައި މިދިޔަ ހަފުތާގައި ދެ މީހަކު ހައްޔަރުކޮށްފައިވެއެވެ. އެއީ 30 އަހަރާއި 35 އަހަރުގެ ދިވެހި ދެ ފިރިހެނުންނެވެ.
