ރަށްވެރި ދަނޑުވެރިކަން މަޝްރޫއުއަށް ނުވަތަ ކޮމިއުނިޓީ އާބަން ފާމިންގެ މަޝްރޫއަށް ޝައުގުވެރިވާ ފަރާތްތަކަށް މިމަޝްރޫއަށް ކުރިމަތިލުމުގެ ފުރުސަތު ހައުސިން ޑެވެލޮޕްމެންޓު ކޯޕަރޭޝަން (އެޗްޑީސީ) އިން ވަނީ ހުޅުވާލާފައެވެ.
އެޗްޑީސީ ބަޔާންކޮށްފައިވާ ގޮތުގައި ފޯމް ހުށައެޅުމުގެ ފުރުސަތު ހުޅުވާލެވިފައިވަނީ ހަމައެކަނި ޒުވާނުންނަށާއި ހާއްސަ އެހީއަށް ބޭނުންވާ ފަރާތްތަކަށް ދޫކުރުމަށް ހަމަޖެހިފައިވާ ކެޓަގަރީ އިން އެކަނި ކަމަށެވެ.
ޝައުގުވެރިވާ ފަރާތްތަކުން މިމަޝްރޫއަށް ކުރިމަތިލުމަށްޓަކައި ފުރިހަމަ ކުރަންޖެހޭ އެޕްލިކޭޝަން ފޯމާއެކު ހުށަހަޅަން އެހެނިހެން ލިޔެކިއުންތައް އެޗްޑީސީގެ އީމެއިލް އެޑްރެސް އަށް ފޮނުވުމަށް އެ ކޯޕަރޭޝަނުން ވަނީ އެދިފައެވެ.
މިމަޝްރޫއަށް ކުރިމަތިލުމުގެ ފުރުސަތު ޖޫން މަހުގެ 12 ވަނަ ދުވަހުގެ 23:59 އަކަށް ހުޅުވާލެވިފައިވާއިރު، ރަށްވެރު ދަނޑުވެރިކަން މަޝްރޫއު އާއި ބެހޭގޮތުން އިތުރު މަޢުލޫމާތު ސާފު ކުރުމަށް އެޗްޑީސީގެ ވެބްސައިޓް ނުވަތަ އެޗްޑީސީގެ ހޮޓްލައިން 3353535 މެދުވެރިކޮށް ލިބޭނެކަމަށް އެޗްޑީސީ އިން ބުނެފައިވެއެވެ.
