ދައުލަތުގެ ކުންފުނިތަކުގެ ހިންގުން ހަރުދަނާ ކުރުމަށް ބާރުއެޅުމުގެ ގޮތުން ފަސް ދާއިރާއަކުން އެވޯޑު ދިނުމަށް ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑު، (ޕީސީބީ) ކަނޑައަޅާފައެވެ.
ދައުލަތުގެ ހުރިހާ ކުންފުންނިތަކަކީ ކޯޑް އޮފް ކޯޕަރޭޓް ގަވަނަންސްގެ އުސޫލުތަކަށް ފުރިހަމައަށް އަމަލުކުރާ ކުންފުނިތަކަކަށް ހެދުމުގެ މަޤުސަދުގައި ފަސް ދާއިރާއަކުން އެވޯޑް ދިނުމަށް ކަނޑައަޅާފައިވާއިރު، އެވޯޑް ދިނުމުގައި އަމަލުކުރާނެ ގޮތުގެ އުސޫލު މިހާރު އާންމުކޮށްފައިވާނޭކަމަށް ޕީސީބީ އިން ބުނެފައިވެއެވެ.
އެގޮތުން އެވޯޑުދޭ ފަސް ދާއިރާގެ ތެރޭގައި ހިމެނެނީ:
- އެކްސެލެންސް އިން ގަވަނަންސް
- އައުޓް ސްޓޭންޑިން ޕްރޮގްރެސް
- އައުޓްސްޓޭންޑިން ބޯޑް ޗެއާމަން
- އައުޓްސްޓޭންޑިން މެނޭޖިން ޑިރެކްޓަރު
- އައުޓްސްޓޭންޑިން ކޮމްޕެނީ ސެކްރެޓަރީ
ޕީސީބީ ބަޔާންކޮށްފައިވާ ގޮތުގައި ކުންފުނީގެ އަހަރީ ރިޕޯޓު އާންމުކޮށްފައިނުވާ އަދި ޕީސީބީން އިސްލާހީ ފިޔަވަޅެއް އަޅާފައިވާ ނުވަތަ ކުންފުނީގެ އަހަރީ އާންމު ޖަލްސާ ބާއްވާފައި ނުވާ ކުންފުނިތަށް ބަޔާންކުރެވުނު އެވޯޑްތަކަށް ނޮމިނޭޓް ނުކުރެވޭނެއެވެ.
