މި އަހަރުގެ ފައިދާގެ ގޮތުގައި އެސްޓީއޯ އިން 80 ރުފިޔާ ބަހަން މި އަހަރުގެ އަހަރީ އާއްމު ޖަލްސާ އަށް ހުށަހަޅަން ނިންމައި އިއުލާނުކޮށްފި އެވެ.

އެސްޓިއޯގެ އަހަރީ އާއްމު ޖަލްސާގައި މި އަދަދު ބެހުމަށް ފާސްވުމުން މިއަދަދު ފައިދާގެ ގޮތުގައި ބެހުމަށް ހަމަޖެހިފައިވާއިރު، މި އަހަރުގެ އަހަރީ އާއްމު ޖަލްސާ ބޭއްވުމަށް ހަމަޖެހިފައި ވަނީ އަންނަ މަހު އެވެ.

ހުސްވި އަހަރު އެސްޓިއޯ އަށް ފައިދާގެ ގޮތުގައި ޖުމްލަ 17 ބިލިއަން ރުފިޔާގެ އާމްދަނީއެއް ލިބިފައިވާއިރު، މިއީ 2022 ވަނަ އަހަރު އެކުންފުންޏަށް ލިބުނު އަދަދަށް ވުރެއް ދެ ބިލިއަން ދަށް އަދަދެކެވެ. އެގޮތުން 2022 ވަނަ އަހަރު އެސްޓިއޯއަށް ވަނީ ފައިދާގެ ގޮތުގައި ޖުމްލަ 19 ބިލިއަން ރުފިޔާގެ އާމްދަނީއެއް ލިބިފައެވެ.

މިދިޔަ އަހަރު އެ ކުންފުނީގެ އާމްދަނީ ދަށްވި ނަމަވެސް އެކުންފުންޏަށް ވަނީ 90 މިލިއަން ރުފިޔާގެ ފައިދާއެއް އިތުރުވެފަ އެވެ. އެގޮތުން ކުންފުނީގެ ހަރަދުތައް ކުޑަވުމުގެ ސަބަބުން ކުންފުނީގެ ފައިދާ ވަނީ ބޮޑުވެފައެވެ. މިދިޔަ އަހަރު އެސްޓީއޯގެ ފައިދާ 818 މިލިއަން ރުފިޔާ އަށް އަރައިފައިވެއެވެ.