ރާއްޖެއިން ބޭރުގައި ކިޔަވާ ދަރިވަރުންނަށް ބޭންކް އޮފް މޯލްޑިވްސް (ބީއެމްއެލް) އިން ޑޮލަރު ވިއްކާ ލިމިޓަށް ބަދަލުތަކެއް ގެނެއްސިއެވެ.
މިކަން ހާމަކޮށް އެ ބޭންކުން ބުނެފައިވަނީ، ރާއްޖެއިން ބޭރުގައި ކިޔަވާ ދަރިވަރުންނަށް ދެން ޑޮލަރު ވިއްކާނީ، އެ ދަރިވަރަކު ހުންނަ ގައުމަކަށް މަތީ ތަޢުލީމާއި ބެހޭ ވުޒާރާއިން ދިނުމަށް ކަނޑައަޅައިފައިވާ ޓައިޕެންޑަށް ވާ ފައިސާ އެކަނި ކަމަށެވެ.
މި ގެނެވުނު ބަދަލުގެ ކުރިން ބޭންކް އޮފް މޯލްޑިވްސް އިން ވަނީ ރާއްޖެއިން ބޭރުގައި ކިޔަވާ ދަރިވަރުންނަށް ވަނީ 1،000 ޑޮލަރާ ހަމައަށް ޑޮލަރު ވިއްކާފައެވެ.
އެހެން ނަމަވެސް ޑޮލަރު ވިއްކުމުގެ ލިމިޓަށް ގެނެވުނު ބަދަލާއެކު މިހާރު އައު އުސޫލު ދަރިވަރުންނަށް އަންގައިފައިވާނެ ކަމަށްވެސް ބީއެމްއެލުން ބުނެއެވެ.
ހަޔާ އެޑިއުކޭޝަނުން ގައުމުތަކަށް ކަނޑައަޅާފައިވާ ބައެއް ސްޓިޕެންޑު:
- މެލޭޝިއާ – 416 ޑޮލަރު
- އިންޑިއާ – 440 ޑޮލަރު
- ބަންގްލަދޭޝް – 400 ޑޮލަރު
- ތައިލެންޑު – 598 ޑޮލަރު
އެކި ގައުމުތަކަށް ކަނޑައަޅާފައިވާ ސްޓައިޕެންޑު އަދަދުތައް މަތީ ތައުލީމާއި ބެހޭ ވުޒާރާގެ ވެބްސައިޓުން ފެންނަން ހުރެއެވެ.
ޑޮލަރު ވިއްކުމުގެ ލިމިޓަށް ބަދަލުތަކެއް ގެނެސްފައި މިވަނީ ކަޅުބާޒާރުގައި ޑޮލަރު ގަނެ ވިއްކުމުގެ އަގުތައް އުފުލުމުގެ ސަބަބުން ޑޮލަރު ލިބުން ދަތިވެފައިވާ ދަނޑިވަޅެއްގައެވެ.
ބީއެމްއެލް އިން ބުނީ މާކެޓުން ޑޮލަރު ގަންނަން ލިބޭ އަދަދަށް ވުރެ ބޮޑު އަދަދެއް ބީއެމްއެލް އިން މިހާރު ވެސް ވިއްކަމުން އަންނަ ކަމަށާއި، ކްރެޑިޓް ކާޑު ލިމިޓެއް ނެތި ބޭރުގެ މުއާމަލާތުތައް ހިންގޭނެ ގޮތެއް ފަހިކުރަން ބޭނުންވި ނަމަވެސް އެކަން ކުރެވެން އަންނަނީ، ޑޮލަރުގެ ކަޅު ބާޒާރު ހުއްޓި، ރަސްމީކޮށް ޑޮލަރު ސިސްޓަމަށް ވަންނަން ފެށުމުން ކަމަށެވެ.
