އައްޑޫގައި ހުންނަ ޕޮލިސް ކޮލެޖުގައި ހާލު ގޯސްވި 5 ދަރިވަރަކަށް އައިސީޔޫގައި ފަރުވާ ދެމުން އަންނަކަމަށް ފުލުހުން ބުނެފިއެވެ.
ފުލުހުން ރޭ ހާމަކުރި ގޮތުގައި އައްޑޫ ސިޓީގައި ހުންނަ ނޭޝަނަލް ޕޮލިސިންގ އެންޑް ލޯ އެންފޯސްމަންޓް، ޕޮލިސް ކޮލެޖުގައި ކިޔަވަމުންދިޔަ 32 ދަރިވަރަކު ވަނީ ކާނާ ވިހަވެގެން އެޑްމިޓްކުރަން ޖެހިފައެވެ.
އޭގެ ތެރެއިން 5 ދަރިވަރަކަށް ފަރުވާ ދެމުން އަންނަނީ އައިސީޔޫގައިކަމަށާއި 1 ދަރިވަރުގެ ހާލު ސީރިއަސްކަމަށް ވެސް ފުލުހުން ބުނެއެވެ.
އައްޑޫ އީކުއިޓޯރިއަލް ހޮސްޕިޓަލުން މި ކަމާ ގުޅޭ ގޮތުން ހާމަކުރި ގޮތުގައި އެ ދަރިވަރުން އެލާޖިކް ވީ ކޮން އެއްޗަކަށްކަމެއް އަދި ސާފެއް ނުވެއެވެ.
މި ދަރިވަރުންނަކީ އަންނަ ހޮނިހިރު ދުވަހު ބޭސިކް ޓްރެއިނިން ފަށާ ބެޗުގެ ދަރިވަރުންތަކެކެވެ. ޕޮލިސް ކޮލެޖުގައި 100އަށް ވުރެ ދަރިވަރުން ތަޢުލީމާއި ތަމްރީން ހާސިލްކުރަމުން ގެންދެއެވެ.
