ކޮމިޝަނަރ ޖެނެރަލް އޮފް ކަސްޓަމްސްގެ މަގާމަށް ފުރަތަމަ ފަހަރަށް އަންހެން ބޭފުޅަކު ހަމަޖައްސަވައިފިއެވެ.
ކުރިން އެ މަޤާމުގައި ހުންނެވި، ޔޫސުފް މާނިއު އެ މަޤާމުން ވަކުކުރެއްވުމަށްފަހު ރައިސުލްޖުމްހޫރިއްޔާ، ކޮމިޝަނަރ ޖެނެރަލް އޮފް ކަސްޓަމްސްގެ މިއަދު އައްޔަންކުރެއްވީ ފާތިމަތު ދިޔާނާއެވެ.
ކަސްޓަމްގެ ވެރިއަކަށް ދިޔާނާ ހަމަޖައްސަވައި ރައީސުލްޖުމްހޫރިއްޔާ ވަނީ އެކަމަނާއަށް އެ މަޤާމުގެ ލިޔުން އަރުވައިފައެވެ.
ފުރަތަމަ ފަހަރަށް ކަސްޓަމްސްގެ ވެރިއަކަށް އަންހެން ބޭފުޅަކު އައްޔަން ކުރެއްވުމަކީ، ރައީސުލްޖުމްހޫރިއްޔާ ޑރ.މުހައްމަދު މުއިއްޒު އަންހެނުންގެ ކުރިއެރުމަށް ދެއްވާ އަހައްމިއްޔަތު އަދި ގައުމު ހިންގުމާއި ސިޔާސަތުތައް ނިންމުމުގައި އަންހެނުންގެ ޝާމިލްވުން އިތުރުކުރުމަށް ދެއްވާ އިސްކަން ހާމަވެގެންދިޔަ ކަމެއް ކަމަށް ރައީސް އޮފީހުގެ ތަރުޖަމާން ހީނާ ވަލީދު ވަނީ ވިދާޅުވެފައެވެ.
ކޮމިޝަނަރ ޖެނެރަލް އޮފް ކަސްޓަމްސްގެ މަގާމުގައި ކުރިން ހުންނެވި ޔޫސުފް މާނިއު ވަނީ، ދާހިލީ ސަލާމަތާއި ހިދުމަތްތަކާއި ބެހޭ ވުޒާރާގެ ސްޓޭޓް މިނިސްޓަރުކަމުގެ މަގާމަށް އައްޔަން ކުރައްވާފައެވެ.
