މަސްވެރިން ކިރާ މަހަށް ދޭންޖެހޭ ފައިސާގެ ތެރެރެއިން މިހާތަނަށް އެއް ބިލިޔަން ރުފިޔާއާއި ހަމައަށް މަސްވެރިންނަށް ފައިސާ ދޫކޮށްފިއެވެ.
މޯލްޑިވްސް އިންޑަސްޓްރިއަލް ފިޝަރީޒް ކަމްޕެނީ ލިމިޓެޑް (މިފްކޯ) އިން އާންމުކުރި ތަފްސްހިސާބުތައް ދައްކާގޮތުން، މިހާ ހިސާބަށް އައިއިރު އިތުރު 2,009,843 ރުފިޔާ މަސްވެރިންނަށް ވަނީ ދީފައެވެ.
އެޔާއެކު މި ސަރުކާރުން މަސްވެރިންނަށް ދޫކުރި ޖުމުލަ ފައިސާގެ އަދަދު ވަނީ، އެއް ބިލިއަނަށް އަރައިފައެވެ.
އެ ހިސާބުތަކަށް ބަލާއިރު، އެ ކުންފުނިން އެކި ފަހަރުމަތިން މުޅި ޖުމްލަ 1،000،804،175 ރުފިޔާ މަސްވެރިންނަށް ދޫކޮށްފައިވެއެވެ.
މަސްވެރިން ކިރާ މަހަށްވާ ފައިސާ ދެ ހަފްތާ ތެރޭގައި މަސްވެރިންނަށް ލިބިގެންދާނެކަމަށް މީގެ ކުޑަދުވަސްކޮޅެއް ކުރިން މަސްވެރިކަމާއި ކަނޑުގެ ވަސީލަތްތަކާ ބެހޭ ވަޒީރު އަހްމަދު ޝިޔާމް ވަނީ ވިދާޅުވެފައެވެ.
މިފްކޯއިން ބުނީ، މިހާރު މަސްވެރިންނަށް ނުދެވި ހުރީ 319،632 ރުފިޔާ ކަމަށެވެ.
ފާހަގަކޮށްލެވޭ ގޮތުގައި، މިފްކޯއިން މަސްވެރިންނަށް ދޭންޖެހޭ ފައިސާ ނުދެވި ލަސްވުމުގެ ސަބަބުން މަސްވެރިން އިހުތިޖާޖު ވެސް ކުރިއެވެ. އައްޑޫ ސިޓީގެ އިތުރުން ދ. ކުޑަހުވަދޫގައި ވެސް މަސްވެރިން އެ އިހުތިޖާޖުކުރިއެވެ.
