އައްޑޫސިޓީގައި ބާރު ސްޕީޑުގައި ދުއްވާފައި ދިޔަ ސައިކަލެއް ކޮންޓްރޯލްނުގެ ގޮސް ކަހާލައި މީހަކަށް އަނިޔާ ވެއްޖެއެވެ.
އައްޑޫ ސިޓީ ހިތަދޫގައި ފެން ހިންދާ ނިޒާމު ގާއިމު ކުރުމަށް މަގު ކޮނެފައިވާ ހިސާބުގައި ރޭ ހިނގި މި ހާދިސާގައި ކަހާލި ސައިކަލު ވަނީ ކޮންޓްރޯލް ނުވެ ގޮސް ވެލި ފުންޏަކަށް އަރައިފައެވެ.
ފުލުހުން ވިދާޅުވީ، މި އެކްސިޑެންޓްގެ މަޢުލޫލާތު ރޭ 11:49 ހާއިރު އެ އިދާރާއަށް ލިބިފައިވާކަމަށެވެ.
އެގޮތުން ސައިކަލު ދުއްވަން އިން 23 އަހަރުގެ ގެ ދިވެހި ފިރިހެނަކަށް އަނިޔާވެފައިވާކަމަށާއި މީހާ އަށް އައްޑޫ އިކުއަޓޯރިއަލް ހޮސްޕިޓަލްގައި ފަރުވާ ދެމުން އަންނަ އިރު، އިތުރު ފަރުވާ އަށް މާލެ ފޮނުވަން އުޅޭ ކަމަށް ހޮސްޕިޓަލާ ހަވާލާދީ ފުލުހުން ވިދާޅުވިއެވެ.
މި އެކްސިޑެންޓުގައި އެމީހާ އަށް ލިބުނު އަނިޔާގެ ތަފްސީލްތަކެއް ފުލުހުން ހާމައެއް ނުކުރެއެވެ.
ފުލުހުން ވިދާޅުވީ މި ހާދިސާއާ ގުޅިގެން ބަލަން ޖެހޭ ކަންކަން ބަލަމުންދާ ކަމަށެވެ.
