ރާއްޖެ ޓްރާންސްޕޯޓް ލިންކު (އާރްޓީއެލް) ފުވައްމުލަކު-ވާދޫ ރޫޓަށް އައު ސްޓޮޕެއް އިތުރުކޮށްފައިވާކަމަށް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ)އިން ބުނެފިއެވެ.
ދަތުރުފަތުރުގެ ނިޒާމުން މުޅި ރާއްޖެ ގުޅާލުމަށް ކުރަމުންދާ މަސައްކަތްތުގެ ތެރެއިން އާރްޓީއެލުން ފުވައްމުލަކު-ވާދޫ ރޫޓަށް އިތުރުކޮށްފައިވާ ސްޓޮޕަކީ ފަރެސްމާތޮޑާއެވެ. އެމްޓީސީސީން ބުނީ ފުވައްމުލައް ސިޓީން ގދ. ވާދޫއަށް ދަތުރުކުރާ ފެރީ މިއަދުން ފެށިގެން ފަރެސްމާތޮޑާއަށް ހުއްޓާ ގޮތަށް މިހާރު ވަނީ ހަމަޖެހިފައިކަމަށެވެ.
އެމްޓީސީސީއިން މި ކަން ހާމަކޮށްފައިވަނީ އިއްޔެ އެ ކުންފުނިން ނެރުނު ބަޔާނެއްގައެވެ. އެމްޓީސީސީއިން ހާމަކުރި ގޮތުގައި މި ބަދަލު ގެނެވުނީ ކަސްޓަމަރުންގެ ފީޑްބެކަށް ބެލުމަށްފަހުއެވެ.
ދަތުރުފަތުރުގެ ނިޒާމުން މުޅި ރާއްޖެ ގުޅާލުމަށް ކުރަމުންދާ މަސައްކަތްތުގެ ތެރެއިން ނ.އަތޮޅުގެ މީހުން ދިރިއުޅޭ 13 ރަށެއްގައި އާރްޓީއެލްގެ ޚިދުމަތް ހުސްވި ޖުލައި މަހުގެ ފަހުކޮޅު ފެށިކަން ވެސް ފާހަގަކޮށްލެވެއެވެ. މިއާއެކު ރާއްޖޭގެ 9 އަތޮޅެއްގެ 81 ރަށް އާރްޓީއެލް ފެރީގެ ޚިދުމަތުން ގުޅާލެވުނީއެވެ.
