ގޮދަޑީގައި ރީދޫކުލައިގެން ބޮޅުތަކެއް ފެންނަން ހުރޭތަ؟ މިއީ ގިނަދުވަހު ގޮދަޑި ބޭނުން ކުރުމުން އޭގައި އުފެދޭ އާވިންނާއި ގައިން ފައިބާ ދަލުގެ ސަބަބުން އުފެދޭ ރީދޫކަމެކެވެ. ވަރަށް ކުޑަ ތަކެތިން ފަސޭހަކަމާއެކު ގޮދަޑި ސާފުކޮށްލެވިދާނެއެވެ.
ބޭނުންވަނީ:
އިސްތިރިއެއް
2 މޭޒުމަތީ ސަމްސާ ބޭކިންގް ސޯޑާ
½ ޖޯޑު އޯމޯ
ތުވާލިގަނޑެއް
4 މޭޒުމަތީ ސަމްސާ ސޮފްޓްނާރ
½ ޖޯޑު ފެން
ހަދާނެ ގޮތް:
ބޭކިންސޯޑާ، އޯމޯ، ސޮފްޓްނަރ، ފެން އެޅުމަށްފަހު ގިރާލާށެވެ. އަދި ތުވާލިގަނޑު މި ފެނުގައި ފޯކޮށްލާފައި، ކަރަންޓަށް ޖައްސާފައި ހުރި އިސްތިރިއެއްގައި ތުވާލިގަނޑު އޮޅާލާށެވެ. ގޮދަޑީގައި ހަޑިވެފައި ހުރި ތަންތާގައި އިސްތިރީގައި އައްސާފައިވާ ފޮތިގަނޑުން ލައްތަކުގައި އުގުޅަމުން ގެންދާށެވެ. އިސްތިރީގެ ހޫނުން ނިކުންނަ އާވިން ގޮދަޑި ސާފުކޮށްދޭން އެހީވެދޭނެއެވެ. ކުޑަ ވަގުތުކޮޅެއްގެ ތެރޭގައި ގޮދަޑި ސާފުކޮށްލެވޭނެއެވެ.
