ގިނަ އަދަދެއްގެ މަސްތުވާ ތަކެއްޗާއެކު ބިދޭސީއަކު ހައްޔަރުކޮށްފިއެވެ.
ފުލުހުން ވިދާޅުވީ ބަނގުރަލާއި ބިޔަރު ހިމެނޭހެން 48 ދަޅާއެކު މިދިޔަ އާދީއްތަ ދުވަހުގެ ރޭ ބަންގްލަދޭޝަށް ނިސްބަތްވާ 33 އަހަރުގެ މީހަކު ހައްޔަރުކޮށްފައިވާކަމަށެވެ.
އެގޮތުން އާދީއްތަ ދުވަހުގެ ރޭ 22:00ހާއިރު ހުޅުމާލޭ އަމީން އެވެނިއު ކައިރިން އޭނާ ހައްޔަރުކޮށްފައިވާ އިރު އޭނާގެ ބަންދާ މެދު ގޮތެއް ނިންމުމަށް ކޯޓަށް ހާޒިރުކުރުމުން 15 ދުވަހަށް ބަންދުކުރުމަށް ކޯޓުން އަމުރުކޮށްފައި ވާކަމަށް ފުލުހުން ވިދާޅުވެއެވެ.
މި މައްސަލަ ފުލުހުން ދަނީ އިތުރަށް ތަހުގީގޔ ކުރަމުންނެވެ.
ފާހަގަކޮށްލެވޭ ގޮތުގައި ވ. ބޮޑުމޮހޮރާއިން 24 ފުޅި ބަނގުރަލާއެކު ތިން މީހަކު ވެސް މިއަދު ވަނީ ހައްޔަރުކޮށްފައެވެ. އެ އެތިން މީހުން ހައްޔަރު ކުރީ ބޮޑުމޮހޮރާގައި ބަނގުރާ ގެންގުޅޭ ކަމަށް ލިބުނު މައުލޫމާތަކާ ގުޅިގެން ޑްރަގް އެންފޯސްމަންޓާއި އިންޓެލިޖެންސްގެ އިތުރުން ވ. އަތޮޅުގެ ފުލުހުން ގުޅިގެން ހިންގި އޮޕަރޭޝަނެއްގައި ކަމަށް ފުލުހުން މައުލޫމާތުދެއެވެ.
