މާރާމާރީގެ މައްސަލައެއްގެ ތަހުގީގަށް މީހަކު ހޯދުމަށް ފުލުހުން އިއުލާނުކޮށްފިއެވެ.
ފުލުހުން ކުރި އިއުލާނެއްގައި ވަނީ ހުޅުމާލޭ އެއްވަނަ ފިޔަވަހީގެ ފުލުހުން ބަލަމުން އަންނަ މާރާމާރީގެ މައްސަލައެއްގެ ތަހުގީގަށް ހާޒިރުކުރުމަށް ބޭނުންވެ، އުޅޭ ވަކި ތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓު ރައްދުކުރެވިފައި ނުވާތީ އޭނާ ހޯދުމަށް އިއުލާނުކޮށްފައި ވާކަމަށެވެ.
ފުލުހުން ހޯދަން އިއުލާން ކޮށްފައިވަނީ ގއ. ދާންދޫ، ހިތަށްފިނިވާގޭ، މުހައްމަދު ޝާކިރު، 48، އެވެ.
އެގޮތުން ފުލުހުންގެ ޖިނާއީ އިޖުރާއަތުގެ ގަވާއިދުގެ 27 ވަނަ މާއްދާގައިވާ ގޮތުގެމަތިން ތަހުގީގަށް ހާޒިރުވުމަށް އަންގައި އިއުލާނުކުރާ ކަމަށް ފުލުހުން ވިދާޅުވިއެވެ. އެހެންވެ މި މަހުގެ 15 ވަނަ ދުވަހުގެ މެންދުރު ފަހު 1:00 އަށް ފޭސް 1 ޕޮލިސް ސްޓޭޝަން ޝާކިރު ހާޒިރުވާން އަންގާފައިވެއެވެ.