އިންޑިއާގެ އެކްސްޓާނަލް އެފެއާޒް މިނިސްޓަރު ސުބްރަމަނިއަމް ޖައިޝަންކަރު ރާއްޖެއަށް ކުރައްވާ ރަސްމީ ދަތުރުފުޅުފައި އައްޑޫ ސިޓީއަށް ވަޑައިގަތުމަށް ހަމަޖެހިއްޖެއެވެ.
އައްޑޫ ސިޓީ މޭޔަރު އަލީ ނިޒާރު ވިދާޅުވީ މިދަތުރުފުގައި އައްޑޫގެ ބިން ހިއްކުމަށް އިންޑިއާގެ އެގްޒިމް ބޭންކުގެ 800 މިލިއަން ޑޮލަރުގެ ލައިން އޮފް ކްރެޑިޓް ފެސިލިޓީގެ ދަށުން ކުރިއަށް ގެންދިއަ މަޝްރޫއުގެ ނިންމުން ފާހަގަކުރެއްވުމަށް މިނިސްޓަރު ޖައިޝަންކަރު އައްޑޫއަށް ވަޑައިގަތުމަށް ހަމަޖެހިފައިވާ ކަމަށެވެ.
އައްޑޫ ސިޓީގައި ރަށްތައް ގުޅާލާ ހަންކެޑެ ބްރިޖްގެ މަސައްކަތް މިހާރު ނިމިފައިވީ ނަމަވެސް، މިދަތުރުފުޅުގައި ބްރިޖު ހުޅުވުމަށް ހަމަޖެހިފައި ނުވާ ކަމަށް ވެސް ނިޒާރު ވިދާޅުވި އެވެ.
“ބްރިޖު ހުޅުވުމަށް އަދި ރަސްމީކޮށް ޝެޑިއުލްކޮށްފައެއް ނެތް. އެކަމަކު ސުބްރަމަނިއަމް ޖައިޝަންކަރު މި ބްރިޖުގެ މަސައްކަތް ބެއްލެވުމަށް ވަނީ ހަމަޖެހިފަ.” ނިޒާރު ވިދާޅުވިއެވެ.
އެހެންނަމަވެސް ފޮރިން މިނިސްޓްރީން ޖައިޝަންކަރުގެ ދަތުރާ ގުޅޭ ގޮތުން އާންމުކޮށްފައިވާ ސްޓޭޓްމަންޓުގައި މިދަތުރުފުޅުގައި ހަންކެޑެ ބްރިޖު ހުޅުވުމަށް ވަނީ ހަމަޖެހިފައެވެ.
މިކަމާއި ގުޅޭ ގޮތުން ކަމާބެހޭ އިދާރާތަކުގެ ބަހެއް އަދި މިހާތަނަށް ލިބިފައެއް ނުވެއެވެ.
ޕްލޭނިން މިނިސްޓްރީން ނެދަލޭންޑްސްގެ އޫޑް ޑްރެޖިންއާ އައްޑޫ ބިން ހިއްކުމުގެ މަޝްރޫއު ހަވާލުކޮށްފައި ވަނީ 27 މާޗް 2022 ގައެވެ. މިމަޝްރޫއުގެ ތެރެއިން އައްޑޫގެ ތިން ރަށެއްގެ ބިން ހިއްކުމުގެ އިތުރުން ރިސޯޓު ހިންގަން މުޅިން އަލަށް ރަށްތަކެއްވަނީ ހިއްކާފައިވާއިރު، މި މަޝްރޫއުގެ ދަށުން 194.3 ހެކްޓަރުގެ ބިން ވަނީ ހިއްކާފައެވެ.
