މޫސުން ގޯސްވުމުގެ ސަބަބުން ސަރުކާރު ބަންދުކުރުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ނިންމެވުމާ ގުޅިގެން އައިޖީއެމްއެޗުގެ ކްލިނިކަލް ޚިދުމަތްތައް މިއަދު ބަންދުވާނެކަމަށް އެ ހޮސްޕިޓަލުން ހާމަކޮށްފިއެވެ.
އައިޖީއެމްއެޗުން މި ކަން ހާމަކޮށް އިއްޔެ ވަނީ އިއުލާނެއް ނެރެފައެވެ. އެ އިއުލާނުގައި ބުނެފައިވާ ގޮތުގައި މިއަދަކީ ސަރުކާރު ބަންދު ދުވަހެއްގެ ގޮތުގައި ރައީސުލްޖުމްހޫރިއްޔާގެ އޮފީހުން ކަނޑައެޅުއްވުމާ ގޮޅިގެން ދަރުމަވަންތަ ހޮސްޕިޓަލާއި އައިޖީއެމްއެޗް، އަދި ވިލިމާލެ ހޮސްޕިޓަލުގެ ސްޕެޝަލިސްޓް އޯޕީޑީ އަދި އެހެނިހެން ކްލިނިކަލް ޚިދުމަތްތައް ބަންދު ކުރުމަށް ވަނީ ނިންމާފައެވެ.
އެހެންނަމަވެސް މިއަދު ވެސް އިމަޖެންސީ ޚިދުމަތްތައް އައިޖީއެމްއެޗް އަދި ވިލިމާލެ ހޮސްޕިޓަލުން ލިބޭނެކަމަށް އައިޖީއެމްއެޗުން ބުނެއެވެ.
މި ކަމާ ގުޅިގެން އިތުރު މައުލޫމާތު ސާފުކުރެއްވުމަށް ބޭނުންވާ ފަރާތްތަކުން އެ ހޮސްޕިޓަލުގެ ނަމްބަރު 3335335އަށް ގުޅުއްވުމަށް އައިޖީއެމްއެޗުން އެދިފައިވެއެވެ.
