ރާއްޖެއާއި އިންޑިޔާއާއި ދެ ޤައުމުގެ ދެމެދުގައި އުފެދިފައިވާ ޒަމާންވީ ގުޅުން ބަދަލުވެފައިވަނީ ދެ ޤައުމަށާއި މި ސަރަހައްދަށް ތަރައްޤީ ގެނުވައިދޭ ގުޅުމަކަށް ކަމުގައި ރައީސުލްޖުމްހޫރިއްޔާ ޑރ މުޙައްމަދު މުޢިއްޒު ވިދާޅުވެއްޖެއެވެ.
އިންޑިޔާގެ 76 ވަނަ މިނިވަންދުވަހުގެ މުނާސަބަތުގެ ތަޙުނިޔާ އެ ގައުމުގެ ރައީސް ދްރުޕަތީ މުރްމުއަށާއި ބޮޑުވަޒީރު ނަރެންދުރަ މޯދީގެ އިތުރުން އިންޑިއާގެ ރައްޔިތުންނަށް ފޮނުއްވައި އެކްސްގައި ކުރެއްވި ޕޯސްޓެއްގައި ރައީސް ޑރ މުހައްމަދު މުޢިއްޒު ވިދަޅުވީ، ދެ ޤައުމުގެ ދެމެދުގައިވާ ގުޅުން މުސްތަޤްބަލުގައި އިތުރަށް ބަދަހިވެ، ދެ ގައުމުން އެދޭ އަމާޒުތަކުގެ މައްޗަށް މަސައްކަތްކޮށް ތަރައްގީ ގެނެވޭނެކަމުގެ އުންމީދުކުރާކަމަށެވެ.
އިންޑިއާއެކު އޮތް ގުޅުން މި ސަރުކާރުން ވެރިކަމާ ހަވާލުވީއިރު ހީނަރުވެފައި އޮތްނަމަވެސް މިހާރު އެ ގުޅުން އަންނަނީ ރަނގަޅުވަމުންނެވެ.