ގަވާއިދުން ބިދޭސީންގެ ފީ ދައްކަމުންގެންދާ ކުންފުނިތަކުގެ ނަން ހިމެނޭ ލިސްޓެއް ދާޚިލީ ސަލާމަތާއި ފަންނިއްޔާތާ ބެހޭ ވުޒާރާއިން އާންމުކޮށްފިއެވެ.

މި ކަން އެ ވުޒާރާއިން ހާމަކޮށްފައިވަނީ ރޭ ނެރުނު ބަޔާނެއް މެދުވެރިކޮށެވެ. އެ ބަޔާނުގައި ގަވާއިދުން ފީ ދައްކަމުންދާ 20 ކުންފުންޏެއްގެ ނަން ހިމަނާފައިވެއެވެ.

ބިދޭސީ މުވައްޒަފުން ގެންގުޅުމާ ގުޅިގެން ގަވާއިދުން ފީ ދައްކާ ކުންފުނިތައް:

–  އެލިއާ ކޮންސްޓްރަކްޝަން
– އަންގިރި ރެސޯޓްސް މެނޭޖްމަންޓް އެންޑް އޮޕަރޭޝަންސް
–  ބްރެނިއާ މޯލްޑިވްސް
–  ޗިކާނޯ އިންވެސްޓްމަންޓް
–  އީސްޓް ކޯސްޓް އިންވެސްޓްމަންޓް
– ގޭޖް ޕްރައިވެޓް ލިމިޓެޑް
– ހެވީ ފޯސް
– ހޮރައިޒަން ފިޝަރީޒް
–  އިންޓަރނޭޝަނަލް ބެވަރެޖެސް ކޮމްޕެނީ
–  މަހޯގަނީ
–  ޕެސްޓް އެކްސް މޯލްޑިވްސް
–  ޕްރެސްޓައިން އައިލެންޑްސް އިންވެސްޓްމަންޓް (މޯލްޑިވްސް)
–  ރެޑް ވޭވް
–  ރެނާޓަސް ޕްރޮޖެކްޓްސް
–  ސީގަލް ގްރޫޕް
–  އެސްކޭ މޯލްޑިވްސް
–  ދަ ހޯކްސް
–  ޔުނިވަރސަލް އެންޓަޕްރައިސަސް
–  ވިލާ ހަކަތަ
–  ވިލާ ޝިޕިން އެންޑް ޓްރޭޑިން ކޮމްޕެނީ

މިދިޔަ ޖުލައި މަހުގެ 24ވަނަ ދުވަހު އެ ވުޒާރާއިން ނެރުނު ބިދޭސީންނާ ގުޅިގެން ދައްކަންޖެހޭ ފީތަކާއި ޖޫރިމަނާ ނުދައްކާ ކުންފުނިތައްކަމަށް ބުނާ ލިސްޓުގައި ގަވާއިދުން ފީ ދައްކަމުންދާ 20 ކުންފުންޏެއްގެ ނަން ވެސް އޮޅުމަކުން ހިމެނިފައިވާކަމަށް ދާޚިލީ ސަލާމަތާއި ފަންނިއްޔާތާ ބެހޭ ވުޒާރާއިން ހާމަކުރެއެވެ. އެ ވުޒާރާއިން ބުނެފައިވާ ގޮތުގައި ފީ ނުދައްކާ ކުންފުނިތަކުގެ ލިސްޓުގައި މި ކުންފުނިތައް އޭރު ހިމެނުނީ ލިސްޓް އާންމު މުއްދަތުގައި ދައުލަތަށް ދައްކަން ޖެހޭ ފީގެ އަދަދު އެއް ލައްކަ ރުފިޔާއަށް ވުރެ އިތުރުވުމުގެ ސަބަބުންކަމަށެވެ.

މި ކުންފުނިތަކަކީ ގަވާއިދުން ދައުލަތަށް ދައްކަންޖެހޭ ފީތައް ދައްކަމުންދާ ކުންފުނިތައްކަމަށް އެ ވުޒާރާއިން ބުނެފައިވެއެވެ.