ކުއްލި ހާލަތްތަކުގައި އެއް ނަބަރަކުން ރައްޔިތުންނަށް އެއް ނަބަރަކުން ހިދުމަތް ފޯރުކޮށްދިނުމަށްޓަކައި ޝޯޓްކޯޑް ލައިނެއް ގާއިމް ކުރުމަށް ކަމާގުޅުން ހުރި މުއައްސަސާތަކާއިއެކު މަޝްވަރާކުރައްވައިފިއެވެ.
ސިއްހީ ވަޒީރު ޑރ. އަބްދުﷲ ޚަލީލް އާއި ކޮމިޝަނަރ އޮފް ޕޮލިސް ޢަލީ ޝުޖާޢު އަދި ސިފައިންގެ އިސްވެރިންގެ އިތުރުން ފުލުހުންގެ އިސްވެރިން ވަނީ މިމަޝްވަރާ ބައްދަލުވުމުގައި ބައިވެރިވެ ވަޑައިގަންނަވާފަ އެވެ.
މިއީ ސިއްހީ ވުޒާރާއިން ރައްޔިތުންނަށް ދިމާވާ އިމަރޖެންސީ ހާލަތްތަކުގައި ސަލާމަތާއި ރައްކާތެރިކަމުގެ ޚިދުމަތްތަކަށް އެއް ނަންބަރަކުން ގުޅޭނެ ގައުމީ ހެލްޕް ލައިނެއް ގާއިމްކުރުމަށް ސޯޝަލް ކައުންސިލަށް ހުށަހެޅުމާއި ގުޅިގެން އެކަމާއި މަޝްވަރާ ކުރެއްވުމަށް ބޭއްވި ބައްދަލުވުމެކެވެ.
އެހެންކަމުން ދާޚިލީ ސަލާމަތާއި ފަންނިއްޔާތާ ބެހޭ ވުޒާރާގެ ބެލުމުގެ ދަށުން ކުއްލި ހާލަތްތަކުގައި އެއް ނަބަރަކުން ރައްޔިތުންނަށް އެއް ނަބަރަކުން ހިދުމަތް ފޯރުކޮށްދޭ ހެލްޕް ލައިން ގާއިމްކުރުމުގެ ކަންކަން ކުރިއަށްގެންދިޔުމަށް ވަނީ ނިންމާފަ އެވެ.
