ދުނިޔޭގައި މި ދުވަސްވަރު ހަލުވިކަމާއެކު ފެތުރެމުންދާ ނުރައްކާތެރި ބައްޔެއްކަމަށްވާ އެމްޕޮކްސް ޖެހިފައިވާ މީހާކު ތައިލޭންޑުން ފެނިއްޖެކަމަށް އެ ގައުމުގެ މީޑިއާތަކުން ރިޕޯޓުކޮށްފިއެވެ.
މައުލޫމާތު ލިބިފައިވާ ގޮތުގައި ތައިލޭންޑުން މި ބަލި ޖެހިފައި ވަނީ ވިލާތުގެ ޤައުމަކަށް ނިޞްބަތްވާ އުމުރުން 66 އަހަރުގެ މީހަކަށެވެ. އެ މީހާ އަކީ މިދިޔަ ހަފުތާގައި އެފްރިކާއަށް ދަތުރުކުރުމަށްފަހު، އޯގަސްޓް 14 ވަނަ ދުވަހު ތައިލޭންޑަށް އެނބުރި ދިޔަ މީހެއްކަމަށް މީޑިއާތަކުން ރިޕޯޓުކޮށްފިއެވެ.
އޭނާ ޑޮކްޓަރަށް ދައްކާފައިވަނީ މި މަހުގެ 15 ވަނަ ދުވަހުކަމަށާއި، އޭނާއަށް މާ ގިނަ ބަޔަކާ ބައްދަލުވެފައިވާނެކަމަށް ނުބެލެވޭކަމަށް ތައިލޭންޑުގެ ޞިއްޙައްތާބެހޭ ވުޒާރާއިން ބުނެއެވެ. އަދި އޭނާއާ ބައްދަލުވެފައިވާކަމަށް ލަފާކުރެވޭ 40 އަށް ވުރެ މީހުންގެ ހާލަތު ގާތުން ބަލަމުން އަންނަކަމަށް ތައިލޭންޑްގެ ޑިޕާޓްމެންޓް އޮފް ޑިޒީސް ކޮންޓްރޯލުން ހާމަކޮށްފައިވެއެވެ.
