ކ ތލަފުށީގައި އަލިފާނުގެ ހާދިސާއެއް ހިނގައި މީހަކު ފިހިއްޖެއެވެ.
މި ހާދިސާ ހިނގައިފައިވަނީ އެރަށުގައި ހުންނަ މެރިންޑޯ ވޯކްޝޮޕްގައި އަލާން ރޯވެ އެ އަލިފާންގަނޑު އިތުރަށް ފެތުރިގެން ގޮސް ޖެހިގެން ހުރި ދެ ވޯކް ޝޮޕްގައިވެސް ރޯވެގެންނެވެ.
އެމްއެންޑީއެފުން ވިދާޅުވީ، މި ހާދިސާގައި ދިވެހި ފިރިހެނަކަށް ދުމުގެ އަސަރުކޮށްގެންނާއި، ފިހިގެން ފަރުވާދެމުން އަންނަކަމަށެވެ.
އަލިފާނުގެ ހާދިސާ ހިނގި ވަގުތުގައި މެރިންޑޯ ވޯކްޝޮޕްގެ ތެރޭގައި ބިދޭސީއަކު ހުރި ކަމަށްވެއެވެ. އެކަމަކު، ކުޑަދޮރަކުން ފުންމާލައިގެން އެމީހާ ސަލާމަތްވެފައިވާ ކަމަށާއި ބިދޭސީ މީހާ އަށް އަނިޔާއެއް ލިބިފައި ނުވާ ކަމަށް މަންޒަރު ދުށް މީހުން ބުނެއެވެ.
ވޯކްޝޮޕްގައި ރޯވި އަލިފާންގަނޑު ކޮންޓްރޯލް ކުރެވިފައިވީ ނަމަވެސް އަލިފާންގަނޑު އެއްކޮށް ނިއްވާލެވިފައި ނުވާ ކަމަށް އެމްއެންޑީއެފުން ވިދާޅުވިއެވެ.