ހުޅުމާލޭގައި ހުރި ސައިޓެއްގައި އަލިފާނުގެ ހާދިސާއެއް ހިނގައިފިއެވެ.
އެމްއެންޑީއެފުން ވިދާޅުވީ، ހުޅުމާލެ ތިން ވަނަ ފިޔަވަހީގައި ހުންނަ ރެނާޓަސް ސައިޓުގައި މިއަދު ހަވީރު 15:30 ހާއިރު އަލިފާނުގެ ހާދިސާއެއް ހިނގައިފައިވާކަމަށެވެ.
https://x.com/MNDF_Official/status/1828050180303892584
މި ހާދިސާގައި އެ ސައިޓުގެ އާރުއޯ ޕްލާންޓެއްގައި ރޯވި އަލިފާންގަނޑު ފެތުރިގެން ގޮސް ޖެހިގެން ހުރި ވެއަރ ހައުސްގައިވެސް ރޯވެފައި ވީނަމަވެސް އެ އަލިފާންގަނޑު އެއްކޮށް ކޮންޓްރޯލް ކުރެވިފައިވާކަމަށްވެސް އެމްއެންޑީއެފުން ވިދާޅުވިއެވެ.
އަދި މިހާދިސާގައި އެއްވެސް މީހަކަށް އަނިޔާއެއް ލިބިފައި ނުވާކަމަށްވެސް އެ އިދާރާއިން ވަނީ ވިދާޅުވެފައެވެ.
ރޭވެސް ވަނީ މާލޭގެ ގެއެއްގެ އެންމެ ތިރީ ފަންގިފިލާގައި އަލިފާނުގެ ހާދިސާއެއް ހިނގައިފައެވެ.
މި ހާދިސާގައި ދެ ބިދޭސީއަކަށް ފިހިގެން ކުދި އަނިޔާތަކެއް ލިބި ހޮސްޕިޓަލުގައި ވަނީ ފަރުވާވެސް ދީފައެވެ.
