އާސަންދަ ހަމަޖައްސައިދޭނެކަމަށް ބުނެ ގެންގޮސް މީހެއްގެ އަތުން ފައިސާ ފޭރެން އުޅުމުގެ މައްސަލައެއް ފެންމަތި ވެއްޖެއެވެ.
އެގޮތުން ޖުމްހޫރީ މައިދާނުން ދިމާވި މީހެއްގެ ގާތުގައި އޭނާއަށް އާސަންދަ ހަމަ ޖައްސައިދޭނެކަމަށްބުނެ ގެޔަކަށް ގެންގޮސް އެ މީހާގެ އަތުން ފައިސާ ފޭރެން އުޅުނު މައްސަލައިގައި ހައްޔަރުކޮށްފައިވަނީ، ގދ. ތިނަދޫއަށް ނިސްބަތްވާ އުމުުރުން 41 އަހަރުގެ ފިިރިހެނެކެވެ.
ކްރިމިނަލްކޯޓުން ވަނީ އޭނާ 15 ދުވަހަށް ބަންދުކުރުމަށް އަމުރުކޮށްފައެވެ.
އެ ކޯޓުން ނެރުނު ބަންދު އަމުރުގައި ބުނެފައިވަނީ، އެ މީހާގެ މައްޗަށް ތުހުމަތު ކުރެވޭ ކުށް އޭނާ ކުރި ކަމަށް ކޮންމެވެސް މިންވަރަކަށް ސާބިތުކުރެވޭ ވަރަށް ހެއްކާއި ޤަރީނާ ހުށަހަޅައިފައިވާކަމަށެވެ.
ހައްޔަރުކުރި މީހާއަކީ ފޭރުމާއި އެހެނިހެން ކުށްތަކުގެ ރެކޯޑް އޮންނަ މީހެއްވެސް މެއެވެ.
އެގޮތުން އާސަންދަ ހަމަޖައްސައިދޭނެކަމަށްބުނެ ގެންގޮއްސައިވަނީ ފިނިހިޔާ ގޯޅީގައި ހުރި ގެއަކަށެވެ. އެގޮތުން އެ ގެޔަސް ވައްދައި އެ މީހާގެ ފޯނާއި ފައިސާ ފޭރުމަށް މަސައްކަތް ކުރުމުގެ އިތުރުން ގަލަމެއް އޭނާގެ ކަރުގައި ޖައްސާ ހަޅޭނުލެވުމަށް ބުނި ކަމަށްވެސް ބަންދު އަމުރުގައި ވެއެވެ.
