ކުރީގެ ރައީސް އަބްދުﷲ ޔާމީން އދ. ގެ އާންމު މަޖިލިހުގައި ބައިވެރިވެ ވަޑައިގަތުމަށް ވަޑައިނުގެންނެވީ އެމަނިކުފާނުގެ ކަންނެތްކަމުން ކަމުގައި ރައްޔިތުންގެ މަޖިލިހުގެ ބާރަށު ދާއިރާގެ ޕީއެންސީގެ މެމްބަރު އިބްރާހިމް ޝުޖާއު ވިދާޅުވެއްޖެއެވެ.
ޝުޖާއު މިފަދައިން ވިދާޅުވީ، އދ. ގެ އާންމު މަޖިލިހުގެ 76 ވަނަ ސެޝަންގައި ބައިވެރިވެވަޑައިގަތުމަށް ރައީސް ޑރ. މުހައްމަދު މުއިއްޒު ވަޑައިގަތުމާ ގުޅިގެން އެމަނިކުފާނަށް ފާދު ވިދާޅުވެ އެމަނިކުފާނުން ނޫސްވެރިއެއްގެ ރޯލު އަދާކުރައްވަމުން ގެންދަވާކަމަށް ބުނެ އިދިކޮޅު ޕީއެންއެފުން ފާޑުކިޔައި ދައްކަމުން ގެންދާ ވާހަކަތަކަށް ރައްދުދެއްވައި އެކްސްގައި ކުރެއްވި ޕޯސްޓެއްގައެވެ.
https://x.com/IbrahimShujaau/status/1837890050132267446
އެގޮތުން އދ. ގެ މަޖިލިހުގައި ޑރ މުޢިއްޒު ތަޤުރީރު ކުރެއްވުމަކީ އެކަމުގެ ސަބަބުން ރައީސް ޔާމީންގެ ލޮލަށް ނިދި ނާންނަކަމެއް ކަމުގައި ވިދާޅުވެ، ޝުޖާއު ވަނީ، އެ މަޖިލިހުގައި ރާއްޖެ ތަމްސީލުކުރެއްވުމަށް ވަޑައިނުގަތީ، މީހަކު ހިފަހައްޓައިގެން ނޫންކަމުގައި ވިދާޅުވެފައެވެ.
ރައީސް ޔާމީން އދ. އަށް ވަޑައިނުގެންނެވީ މީހަކު ހިފަހައްޓައިގެން ނޫން. ކަންނެތް ކަމުން – ޝުޖާއު
އދ އާންމު މަޖިލިހުގެ 76 ވަނަ ސެޝަންގައި ބައިވެރިވެވަޑައިގަތުމަށް ރައީސް އެމެރިކާއަށް މިހާރު ކުރައްވަމުން ގެންދަވާ ދަތުރުފުޅުގައި އެމަނިކުފާނު ރޭ ވަނީ އެ މަޖިލީހުގައި ތަޤްރީރުކުރައްވައިފައެވެ.
އަދި އދ.ގެ ސެކިއުރިޓީ ކައުންސިލްގެ ހާއްސަ ބަހުސެއްގައި ބައިވެރިވެވަޑައިގެން ވެސް އެމަނިކުފާނު ވާހަކަފުޅު ދައްކަވާނެއެވެ. އެ ބަހުސް ފަށާނީ އަންނަ އަންގާރަ ދުވަހުއެވެ.
