ރާއްޖެއާއި ޕާކިސްތާނުގެ ވެރިއެއް ދެމެދުގައި މިފަދަ ރަސްމީ ބައްދަލުކުރެއްވުމެއް ނުކުރައްވާތާ ގާތްގަނޑަކަށް 7 އަހަރު ފަހުން އިއްޔެ ރައީސް ޑރ މުޙައްމަދު މުޢިއްޒު ޕާކިސްތާނުގެ ބޮޑު ވަޒީރު ޝެހްބާޒް ޝަރީފްއާއި ބައްދަލުކުރައްވައިފިއެވެ.
މި ބައްދަލުކުރެއްވުން ކުރިއަށް ދިޔައީ އދ. ގެ އާންމު މަޖިލިހުގެ 79 ވަނަ ސެޝަންގައި ބައިވެރިވެވަޑައިގަތުމަށް ރައީސް މިހާރު އެމެރިކާ އަށް ކުރައްވަމުން ގެންދަވާ ދަތުރުފުޅުގެ ހަވާސާގެ ތެރެއިންނެވެ.
އިއްޔެ ދެ ޤައުމުގެ ވެރިން ބައްދަލުކުރައްވައިފައި ވާއިރު މި ބައްދަލުވުމުގެ ތެރެއިން ދެ ޤައުމުގެ ދެމެދުގައި ގުޅުން އިތުރު ކުރުމަށް ކުރެވިދާނެ ކަންކަމާއި ގުޅޭގޮތުން މަޝްވަރާކުތައްވައިފައިވެއެވެ.
ރާއްޖޭގެ ރައީސަކު ޕާކިސްތާނުގެ ވެރިއަކާއި އެންމެ ފަހުން ބައްދަލުކުރެއްވީ، ކުރީގެ ރައީސް އަބްދުﷲ ޔާމީންގެ ވެރިކަމުގައި އެމަނިކުފާނެވެ.
އެއީ ޕާކިސްތާނުގެ މުހައްމަދު ނަވާޒް ޝަރީފް، ރާއްޖެއަށް ކުރެއްވި ރަސްމީ ދަތުރުފުޅުގައެވެ.
ރައީސް މުއިއްޒު ވެރިކަމަށް ވަޑައިގެންނެވި ފަހުން މި ސަރުކާރުން އަންނަނީ ވަކި ޤައުމަކާ ތަފާތު ކުރުމެއް ނެތި ހުރިހާ ޤައުމެއްގެ ވެރިންނާ ވެސް ގާތް ގުޅުން ބަދަހި ކުރައްވާނެ ކަމުގައި ވިދާޅުވަމުންނެވެ.
