ހުޅުމާލެ ދެވަނަ ފިޔަވަހިން މަސްތުވާތަކެެއްޗާއެކު ފެނުމުން ފުލުހުންގެ އަމުރަށް ނުކިޔަމަންތެރިވި މީހަކު ހައްޔަރުކޮށްފިއެވެ.
މި މައްސަލައިގައި ހައްޔަރު ކޮށްފައިވަނީ މާލެ، މ. ސަލާސާ، އުމުރުން 31 އަހަރުގެ މޫސާ ފާޒިލެވެ.
ފުލުހުން ހާމަކުރި ގޮތުގައި މަސްތުވާތަކެއްޗާއެކު އޭނާ ފެނިފައިވަނީ އިއްޔެ ހަވީރުގެ ވަގުތެއްގައެވެ.
އެގޮތުން ހުޅުމާލެ ދެވަނަ ފިޔަވަހި ސަރަަހައްދު އެޗް-4 ވަނަ ފްލެޓް ކައިރިން މަސްތުވާ ތަކެތިކަމަށް ޝައްކުކުރެވޭ 3 ސެލޯފިން ކޮޅު އެއްލާލި ތަން، އެތަން ޕެޓްރޯލް ކުރަމުން ދިޔަ ފުލުހުންނަށް ފެނިގެން އޭނާ ހުއްޓުވި ކަމަށް ފުލުހުން ބުނެއެވެ.
އަދި އޭނާ ހުއްޓުވައި ސުވާލުކޮށް ހަށިގަނޑު ފާސްކުރުމަށް ބުނުމުން އޭނާ އެކަމަށް ދެކޮޅު ހަދައިފައި ވާކަމަށް ފުލުހުން ވަނީ ބުނެފައެވެ.
ވުމާއެކު ބާރުގެ ބޭނުން ކޮށްގެން އެމީހާ ފުލުހުންގެ ބެލުމުގެ ދަށަށް ގެނެސްފައިވާ ކަމަށްވެސް ފުލުހުން ބުނެފައިވެއެވެ.
