ރާއްޖެއަށް މިހާރު ކުރަމުންދާ ވިއްސާރައިގައި މޫސުން އިތުރަށް ގޯސްވވެ މުޅި ރާއްޖެއަށް މޫސުމާއި ބެހޭ ޤައުމީ އިދާރާއިން ހުދު ސަމާލު ނެރެފިއެވެ.
އެ އިދާރާއިން މިއަދު ހެނދުނު 7:45ން މެންދުރު ފަހު 13:45އި ހަމައަށް މުޅި ރާއްޖެއަށް ނެރުނު ހުދު ސަމާލުގައި ބުނެފައިވަނީ، އެ ވަގުތުތަކުގައި މުޅި ރާއްޖެއަށްވެސް ގުގުރުމާއެކު ބޯކޮށް ވާރޭ ވެހޭނެކަށް ލަފާކުރެވޭ ކަމަށެވެ.
https://x.com/MetMaldives/status/1842757427604984029
އެގޮތުން ގަޑިއަކު 19 މޭލާއި 24 މޭލާއި ދެމެދުގެ ބާރުމިނުގައި ވައިޖެހުން އެކަށީގެންވާ ކަމަށާއި އަދި ވިލާގަނޑުގައި ގަޑިއަކު 40 މޭލަށް ވައިގަދަވާނެ ކަމަށާއި ކަނޑުތައްވެސް ގަދަވުން އެކަށީގެންވާ ކަމަށް އެ އިދާރާއިން ވަނީ ލަފާކޮށްފައެވެ.
ރާއްޖޭގެ އެކި ހިސާބުތަކަށް މި ދުވަސްވަރު މޫސުން ގޯހެވެ. އެގޮތުން ބޯކޮށް ވާރޭ ވެހުމުގެ ސަބަބަން ރޭ ވަނީ މާލޭގެ ބައެއް ސަރަހައްދުތަކުގައިވެސް ފެންބޮޑުވުމުގެ ސަބަބުން ބޮޑުވި ފެންގަނޑު ހިއްކުމަށް ސިފައިން ނިކުމެ ހަރަކާތްތެރިވެފައެވެ.
