ފާއިތުވި ހަފްތާއިން ފެށިގެން ރާއްޖެއަށް ކުރަމުން އަންނަ ވިއްސާރައިގައި ވިލާގަނޑުގައި 40 މޭލަށް ވައިގަދަވާނެކަމަށް ލަފާކޮށް މޫސުމާއި ބެހޭ ޤައުމީ އިދާރާއިން މުޅި ރާއްޖެއަށް ހުދު ސަމާލު ނެރެފިއެވެ.
އެގޮތުން މިއަދު އިރުއޮއްސި 18:00ން މިރޭގެ 00:00 ހަމައަށް މުޅި ރާއްޖެއަށް ނެރުނު ހުދު ސަމާލުގައި އެ އިދާރާއިން ލަފާކޮށްފައި ވާގޮތުން، ގަޑިއަކު 19 މޭލާއ 24 މޭލާއި ދެމެދުގެ ބާރު މިނެއްގައި ވައި ޖެހޭނެއެވެ. އަދި ވިލާގަނޑުގައި 40 މޭލަށް ވައިގަދަވާނެކަމަށް ލަފާކޮށް މޫސުމާއި ބެހޭ ޤައުމީ އިދާރާއިން ވަނީ ކަނޑުތައްވެސް ގަދަވާނެކަމަށް ލަފާކޮށްފައެވެ.
މި ފާއިތުވި ހަފްތާއިން ފެށިގެން ރާއްޖޭގެ މޫސުން ގޯސްވެ، ވިއްސާރަކުރަމުން އަންނަ އިރު އިއްޔެ މޫސުމާއި ބެހޭ ޤައުމީ އިދާރާއިން ވަނީ ކުރިއަށް އޮތް ފަސް ދުވަހުވެސް ރާއްޖޭގެ މޫސުން ގޯސްވެ ވިއްސާރަ ކުރާނެކަމަށް ލަފާކުރެވޭކަމަށެވެ. ވުމާއެކު، ވިއްސާރަވުމުގެ ސަބަބުން ދިމާވެދާނެ ކަމަކަށް ރައްކާތެރިވުމަށް ޑިޒަރސްޓަރ މެނޭޖްމަންޓް ސެންޓަރުން އިއްޔެ ވަނީ އިލްތިމާސްކޮށްފައެވެ.