އައްޑޫ ސިޓީ ހިތަދޫ ފިހާރަކަށް ވަދެ ވަޅިއަކުން ބިރުދައްކައިގެން ފޭރުނު މައްސަލައިގައި އިތުރު މީހަކު ހައްޔަރުކޮށްފިއެވެ.
ފުލުހުން ބުނީ މިމައްސަލަ އާއި ގުޅިގެން އިތުރު މީހަކު ކޯޓު އަމުރުގެ ދަށުން ހައްޔަރުކޮށްފައިވާ ކަމަށެވެ. އެއީ 31 އަހަރުގެ ދިވެހި ފިރިހެނެއް ކަމަށް ފުލުހުން ވަނީ ބުނެފައެވެ.
މިމައްސަލަ އާއި ގުޅިގެން ފުލުހުން ފުރަތަމަ ބުނީ އައްޑޫ ސިޓީ ހިތަދޫ ފިހާރަކަށް ވަދެ ވަޅިއަކުން ބިރުދައްކައިގެން ފޭރުނު މައްސަލައެއް މިމަހުގެ 14 ވަނަ ދުވަހު ފުލުހުންނަށް ރިޕޯޓު ކޮށްފައިވާ ކަމަށާއި އެމައްސަލަ އާއި ގުޅިގެން ކޯޓު އަމުރެއްގެ ދަށުން އުމުރު 40 އަހަރުގެ ދިވެހި ފިރިހެނެއް ހައްޔަރުކޮށްފައިވާ ކަމަށެވެ.
ފުލުހުން މިރޭ މީޑިއާ އާއި ހިއްސާ ކުރެއްވި މެސެޖެއްގައި ބުނެފައިވަނީ، އޭނާގެ ބަންދާއި މެދު ގޮތެއް ކަނޑައެޅުމަށް އޭނާ ކޯޓަށް ހާޒިރު ކުރުމުން 30 ދުވަހަށް އޭނާ ބަންދު ކުރުމަށް ކޯޓުން އަމުރު ކޮށްފައިވާ ކަމަށެވެ.
ފުލުހުން އިތުރަށް ބުނީ މައްސަލަ އިތުރަށް ތަހުގީގު ކުރަމުން އަންނަ ކަމަށެވެ.
